Yiila 142 - WEN GBAŊKA

¹ Mi a wi ka Naawen a yaali maarika, mi a saalim wa kama.

² Mi ta m fɔbilika meena a jam ka wa jigi, mi weeni wa kama m daanika meena.

³ Mi dan moata siateka, wa seba mi ale m nye diila kama. Suik kuui po ate mi a cheŋ la, mi dachaasaŋa a pai ka baruk a suk ku po a magsi mi.

⁴ Mi dan cheem nya mi gauŋ, waai a karo a maari mu, waai a karo a lik mu. Nuru niŋ a ka mi po.

⁵ Naawen yaa, mi a wi fu kama a yaali maarika. M weeni ayen, <>

⁶ Wom m le wi a yaali maarika la, mi siŋ bo ka daanika po. Vari mu m dachaasaŋa jigi a basi, ba pagra ka yega a te mu.

⁷ Vari mu m likka po a basi, ate m pak fi yuenni. Ate wayɔrisima nyama tigsi a gilim mu fi wamaŋsaŋa ate fi nye te mu la nyiŋ.