Yiila 140 - WEN GBAŊKA

¹ Naawen yaa, vari mu nuru baata po a basi, lik mu gaasa nyam po,

² baai ale ta biem ba suiniima po a siti kpaliŋsa daa meena.

³ Ba basi ate ba noaŋa a tua ase waab la, ate waapiisa yaam a bo ba noaŋa po.

⁴ Lik mu, Naawen yaa, wabaata nyam nisima po, lik mu a ta nyini gaasa nyam baai ale a zɔk ba nye ate m lo la.

⁵ Kanjanta nyam a bari ka baruk a magsi mu, ba dueni ba battaŋa, suiku po ba dueni batta ayen ti yik mu.

⁶ Naawen yaa, mi a weeni fu ayen, <> Naawen yaa, wom m le kum a yaali jiirim la.

⁷ Nyɔnɔwa waai ale ka Naawen yaa, Naawen dii ale m varibasidɔ pagrɔ, waai ale a lik m zukku kpaliŋ dai,

⁸ Naawen yaa, kan te wabaata nyama ba le a yaali diila. Kan basi ate ba le a zɔk diila a nye, dan kan daa di ba le ta kanjanta.

⁹ Basi ate baai ale gilim mu la zuima a lik ale daani kaai ate ba noaŋa a nye la.

¹⁰ Basi ate bolim kaala a lo ba zuk, ba yuk ba a basi bolim po, a basi bagta goluk po, ate ba kan yiti diipo.

¹¹ Baai ale velim a te nuruba la kan te ba kali tɛŋka po, kaasuŋ a jam kaasi baai meena ale ka gaasa nyam la.

¹² Mi seba ayen Naawen a maari niwomma ale a nya ŋanjaksaŋa wensie zuk.

¹³ Wensie wayɔrisima nyama ale pak fi yuenni ate nuru maŋsaŋa ale bo ale fu.