Yiila 14 - WEN GBAŊKA

¹ Beruk ale a weeni wa suinum po ayen, <> Ba daa wensie nyam, ba ta ka gaasa nyeela. Waai karo a nye wamaŋŋa.

² Naawen a bo ka wenŋmazuk a nya saalɔ bisaŋa ase waai a boro a miŋ ya, yaase waai boro a gisi Wen yaa.

³ Ba meena a cheŋ ŋmeriŋ ka nakpiak, ba meena a maa chaab a ka wensie. Waai karo a nye wamaŋŋa, wanyi mɛ la a ka.

⁴ Baai ale a nye biem la a kan maari a zamsi, baai ale a ŋɔbi mi nuruma ase nuruba ale a ŋɔbi boroborok diila a kan maari a wi Naawen.

⁵ Dula jigini yɔgsum ale jam yik ba, diila Wen a bo wayɔrisima nyama suŋsuŋ kama.

⁶ Nama baai ale a nye biem la a kaasi ŋanjaksa sue kama ba zɔga po. Alege Naawen ale ba ligrɔ.

⁷ Mi a yaali ka Izirali demma varibasika a nyini Zayon po a jam. Ba sue ale peenti ase Naawen a nin basi ate ba nya badek. Basi ate Jekob a naŋ abe Izirali sui a peenti.