Yiila 138 - WEN GBAŊKA

¹ Naawen yaa, m le pak fu ale m suinum meena. Wena niŋ m le yi fi pimpaukku.

² M tuk fi tuilum yenni nyiŋ a koori tɛŋ a pak fi yuenni fi ŋmanteka ale fi wensieŋa nyiŋ, diila fi yiti ŋmai a gaam ka jaab meena fi yuenni ale fi wanni nyiŋ.

³ Mi ale wi la, fi tulisi mu kama, fi basi kama ate m tua ale ta suinum pagrik.

⁴ Naawen yaa, tɛŋka zuk nalimaŋa meena a pak fu ase ba nin wom fi nɔnni po wieŋa.

⁵ Ba siak Naawen suitaŋa yiila, diila Naawen zulaŋa a zuak kama.

⁶ Naawen a bo ka ŋmai, alege wa a nya niwomma kama, alege kanjanta nyama an baga a suk wa.

⁷ Mi dan poom a cheŋ daanika po, fi lik m nyuvunni ta kama, fi teeri fi nisa kama a ta chaab ale mi dachaasaŋa suipuurumu. Fi vari mu a basi kama ale fi juga nisaŋa.

⁸ Naawen ale puulim diila wa le nye te mu. Naawen yaa, fi ŋmanteka a ka kpeglimka. Kan basi fi nisima tuimaŋa.