Yiila 137 - WEN GBAŊKA

¹ Babilon belaŋa gauŋ ate tama kala a kum ti le teeri Zayon wari la.

² Dula jigini niak tiisaŋa zuk ti yaa pai ti kpantaŋa a yik,

³ dula baai ale yik ti la a yaa bek ti yiilaŋa, baai ale a namsi ti la ayen ba a yaali suipeentik yiila, ba weeni ayen, <>

⁴ Ti ti nye ka sɛ a yi Naawen yiila tɛŋ chaŋka po?

⁵ M dan baŋ fi wari, Jerusalem, m kan ŋman baga a nak kpanuŋku.

⁶ M dan kan teeri fi wari ya, m giŋgeluŋku a maŋ m laŋtika, ase m nin kaa nya ase Jerusalem ka m suipeentik yegayega la.

⁷ Naawen yaa, teeri Edom demma ale nye dii dai dii danni ate Jerusalem a lo la. <> ba le kaari weeni diila ale la, <>

⁸ Babilon liewa, fi nya ka bominika a tuak kaasuŋ po. Suipeentik a bo le ka waai ale a tuni fu fi le nye ti diila.

⁹ Waai ale vari buluataŋa a pai ba fɔbi pinaŋa la.