Yiila 136 - WEN GBAŊKA

¹ Pai jiam a te Naawen, diila wa nala kama. Wa ŋmanteka a ka kpeglimka.

² Pai jiam a te wena meena Wenni. Wa ŋmanteka a ka kpeglimka.

³ Pai jiam a te nyama meena Nyɔnɔwa. Wa ŋmanteka a ka kpeglimka.

⁴ A te waai nyiini ale a tom wakinkagla la. Wa ŋmanteka a ka kpeglimka.

⁵ Waai ale pai wa miŋka a nye wenzukku la. Wa ŋmanteka a ka kpeglimka.

⁶ Waai ale pati tɛŋka nyaataŋa zuk la. Wa ŋmanteka a ka kpeglimka.

⁷ Waai ale nye bolim kpienta la. Wa ŋmanteka a ka kpeglimka.

⁸ Ayen wenbinni a nya kantueŋka la. Wa ŋmanteka a ka kpeglimka.

⁹ Ayen chiika ale chiŋmarisaŋa a nya yokku la. Wa ŋmanteka a ka kpeglimka.

¹⁰ A te waai ale ko Ejipiti tɛŋka bi kpaŋŋa la. Wa ŋmanteka a ka kpeglimka.

¹¹ Ale ta Izirali a nyini Ejipiti demma po a nyini la. Wa ŋmanteka a ka kpeglimka.

¹² Ale ni sii ale teeri ale pagrim la. Wa ŋmanteka a ka kpeglimka.

¹³ A te waai ale poori Nyakpiem Mɔnuŋku buye la. Wa ŋmanteka a ka kpeglimka.

¹⁴ A ta Izirali a va bu suŋsuŋ a taam la. Wa ŋmanteka a ka kpeglimka,

¹⁵ alege a chuiri Faaro ale wa tugurik tɔŋdɔma a nyo Nyakpiem Mɔnuŋku po la. Wa ŋmanteka a ka kpeglimka.

¹⁶ A te waai ale dɛ wa nuruma niŋ a ta ba va gɔnni po la. Wa ŋmanteka a ka kpeglimka.

¹⁷ Waai ale ko nalim kpiema a lɔnsi la. Wa ŋmanteka a ka kpeglimka.

¹⁸ Ale ko nalim pagrisa la. Wa ŋmanteka a ka kpeglimka.

¹⁹ Ale ko Amori demma naawa Siyon la. Wa ŋmanteka a ka kpeglimka.

²⁰ Ale ko Basan naawa Og la. Wa ŋmanteka a ka kpeglimka.

²¹ Ale pai ba tɛŋka a te ase nitalim la. Wa ŋmanteka a ka kpeglimka.

²² Nitalim a te wa tomteerɔwa Izirali la. Wa ŋmanteka a ka kpeglimka.

²³ A te Waai ale teeri ti wari ba le nak a dɛ ti la. Wa ŋmanteka a ka kpeglimka.

²⁴ A vari ti ti dachaasaŋa jigi a basi la. Wa ŋmanteka a ka kpeglimka.

²⁵ Waai ale a te javuk meena ŋandiinta la. Wa ŋmanteka a ka kpeglimka.

²⁶ Pai jiam a te Wen dii ale bo wenŋmazuk la. Wa ŋmanteka a ka kpeglimka.