Yiila 132 - WEN GBAŊKA

¹ Naawen yaa, teeri Deevid wie ale pik ninam buui meena la.

² Wa pɛ kama a te Naawen ale puulim a te Waai Ale Ka Jekob Pagrim Nyɔnɔwa La,

³ <

⁴ Mi kan te goom a jam mi nimbie yaase goa jɔgsika a jam mi nina,

⁵ ate mi ga nya jigi a te Naawen, boka jigi a te Waai Ale Ka Jekob Pagrim Nyɔnɔwa La.

⁶ Ti wom ku kama Efrata, ti jam ku zuk kama Jaar laŋsaŋa po.

⁷ <

⁸ Yiti, Naawen yaa, a jam fi vuusumu jigini, fi ale fi pagrim nɔiyeŋka dakanni.

⁹ Fi kaabteerɔma wayɔrisima a lik ba, fi bisaŋa a yi suipeentik yiila.

¹⁰ Fi tomteerɔwa Deevid nyiŋ, kan zɛri waai ate fi lueri la.

¹¹ Naawen a pɛ kama a te Deevid, wensie pɛ kaai ate wa kan ko basi, <

¹² Fi bisaŋa a dan ta m nɔiyeŋka ale sinsaŋŋa ate m sak ba la, ba bisaŋa ale kali fi naamu zukpaglika zuk taam wuu a cheŋ.

¹³ Naawen a lueri Zayon, wa yaali ka dula a magsi wa boka,

¹⁴ <

¹⁵ M le niak Zayon ale ŋanta teka yegayega, m le basi ate wa ŋanjaksaŋa a chak ŋandiinta.

¹⁶ Mi le lik wa kaabteerɔma ale varibasika, ate wa bisaŋa a yi suipeentik yiila.

¹⁷ <

¹⁸ Mi le lik wa dachaasaŋa ale chivie, alege zutɔkka ale vuk wa zukku po la ale kasim a nyaksi kama.