Yiila 13 - WEN GBAŊKA

¹ Naawen yaa, ku le beni ka sɛ? Fi le baŋ mi wie ka taam wuu? Fi le suk fidek mi jigi a paari ka dimpo?

² Mi le jɛ ale m popolaŋa a paari ka dimpo ate daa meena m sui kasim kaasi? Mi dachiaka ale nya pagrim m zuk a paari ka dimpo?

³ Naawen, midek Wen yaa, nya mi niniga abe fi tulisi mu. Te mu pagrim dan kan daa di m le kpi.

⁴ Mi dachiaka le weeni ayen, <> M dachaasaŋa sue ale peenti ase m nin lɔ.

⁵ Alege m ta sebchakka ale fi ŋmanteka kama. M sui peenti kama ale fi varibasika.

⁶ M le yi yiila a te Naawen, diila wa nala kama a te mi.