Yiila 128 - WEN GBAŊKA

¹ Suipeentik a bo ale ka baai meena ale a chali Naawen la, baai ale a cheŋ wa suitaŋa po la.

² Fi le dɛ fi ninammu ŋandiinta, niauŋ ale jigsika fi le soa.

³ Fi powa ale kasim a nye ase tiib buui ale a yɔn yɔna fi yenni po. Fi bisaŋa ale kasim a nye ase ti paalisa la gilim fi jazaanimu la.

⁴ Nuru waai ale a chali Naawen yɔgsum ate wa niak la ale ka diila ale la.

⁵ Naawen abe niak fu a nyini Zayon daa meena fi boka po. Fi le nya Jerusalem jigsika.

⁶ Fi le boro a nya fi bisaŋa bisa. Suiyɔgni a bo ale Izirali.