Yiila 120 - WEN GBAŊKA

¹ Mi wi Naawen kama m daanika po, ate wa tulisi mu.

² Vari mu basi, Naawen yaa, m nɔi po venta ale pimpaasima po.

³ Nama velimvendisaŋa, Naawen le nye ni ka sɛ? Wa le namsi ni ka sɛ?

⁴ Wa le namsi ni ale tugurik tɔŋdɔ pein chɔrisa, ale bolim kaala.

⁵ Mi ale bo ni suŋsuŋ la a bie ase ka m ni bo Mesek la, yaase m le bo ale Kedar nuruma la.

⁶ Mi bo ale nuru baai ale kisi suiyɔgni la a beni ka yega.

⁷ Mi ka suiyɔgni nuru, alege mi dan biisi, ba ta ka kpaliŋ.