Yiila 114 - WEN GBAŊKA

¹ Izirali ale nyini Ejipiti a nyini la, Jekob yenni ale nyini nuru baai ale a biisi bi yoŋ po a nyini la.

² Juda a chim ka Naawen yenni, Izirali wadek ale soa.

³ Nyakpiemu a nya a yiti chali, Jodan benni a deri basi chalika.

⁴ Guutaŋa a chali ase padaasa la, pinaŋa a yɔk a zi ase pabisa la.

⁵ Ka boa ale nye ya, nyakpiemoa ate fi yiti a chali, Jodan benni, a deri basi chalika,

⁶ guuta, ate ni a chali ase padaasa la, pina, a yɔk a zi ase pabisa la?

⁷ Tɛŋŋa, a choa Nyɔnɔwa niŋ, Jekob Wenni niŋ,

⁸ waai ale basi ate piuŋku a chim bulik la, puŋ pagrika a chim nyiam bulisa la.