Yiila 112 - WEN GBAŊKA

¹ Pak Naawen. Waai ale a chali Naawen yɔgsum la, a ta suipeentik kama. Waai ale a nya masim yegayega a nyini wa sinsaŋŋa po la.

² Wa bisaŋa ale ta pagrim tɛŋka po, wayɔrisima nyama gaŋka ale nya niaka.

³ Ŋanta taka ale jigsika a bo ka wa yenni po, ate wa wayɔrisimaŋa a boro ka dila wuu.

⁴ Dan poom ka legi po bolim ale a jam a magsi wayɔrisima nyɔnɔwa ale ŋmanteka ale jiirim ale wayɔrisimaŋa nyama.

⁵ Nalim ale jam waai ale a te yegayega ale peem a te nuruba la jigi. Waai mɛ ale a nye wa wie ale wensie la jigi.

⁶ Wensie wala choawa a kan choa, wayɔrisima nyɔnɔ ba kasim a teeri wa wari ka dila a cheŋ.

⁷ Wa kan chali wabaata womka, wa yik wa suinummu kama, ale ta sebchakka ale Naawen.

⁸ Wa kan yiili wa be kan chali yɔgsum, ku kpeglimka meena wa le nya pagrim wa dachaasaŋa zuk.

⁹ Wa yarinti wa tiiritaŋa kama a te ŋanjaksaŋa, ate wa wayɔrisimaŋa a boro ka dila wuu. Ba le zak wa nyiini ŋmai ale zula.

¹⁰ Gaasa nyɔnɔwa ale nya ate wa sui a puuri, wa le dom nyina abe wa muriŋ a bɛ, ba yiilaŋa a bɛ ka meena.