Yiila 111 - WEN GBAŊKA

¹ Pak Naawen. M le zak Naawen a zaani ale m suinum meena, wayɔrisima nyama suŋsuŋ ale Naawen nuruma suŋsuŋ.

² Naawen tuimaŋa a zuak ka yega, baai ale a yaali ŋa la a poli ŋa wari kama.

³ Wa nyeelaŋa ka zula ale nalim nyiini, ate wa wayɔrisimaŋa a boro ka dila wuu.

⁴ Wa basi kama ate ba a teeri wa wakinkaglaŋa, Naawen ka ŋmanteerɔ ale jiirim nyɔnɔ.

⁵ Wa a te baai ale a chali wa yɔgsum la ŋandiinta. Wa kasim a teeri wa nɔiyeŋka ka dila a cheŋ.

⁶ Wa sak wa nuruma kama wa pagrim tuimaŋa, a pai satɛŋ yonsa tɛŋsa a te ba.

⁷ Wa nisima tuimaŋa ka wensie ale nyemagsika tuima, wa wieŋa ka mariŋka wie.

⁸ Ŋa za kama giŋgiŋ a kasim a cheŋ wuu, ŋa be a nye ka yɔm ale wensie.

⁹ Wa te wa nuruma ka varibasika, wa dueni wa nɔiyeŋka kama taam wuu. Wa yuenni a welema kama ale ta yɔgsum chalika.

¹⁰ Naawen yɔgsum chalika ka yam piilimka, baai ale a va wa wieŋa la, a ta ka miŋ maŋ. Wa magsi ka pimpauk taam wuu.