Yiila 11 - WEN GBAŊKA

¹ Naawen ale a lik mi. Ka boa ate fi a weeni mi ayen, <

² Nya, wabaata nyama a gori ba timaŋa kama a za yisuŋtaŋa po a pai ba timaŋa a tuk wayɔrisima nyam nyiŋ ayen ba tɔŋ.

³ Nyubaŋa a dan kaasi wayɔrisima nyɔnɔ ale nye ka sɛ?>>

⁴ Naawen a bo ka wa tuilum yenni po. Naawen a kala ka wa wenŋmazuk naamu zukpaglika zuk. Wa a kpesi a nya saalɔ bisaŋa kama. Wa ninaŋa a nya ba kama.

⁵ Naawen a kpesi a nya wayɔrisima nyama kama, alege wabaata nyama ale baai ale a yaali wɔkwɔk la wa chiika a kisi ba kama.

⁶ Wa le basi ate bolim kaala ale bolim tana a siŋ ba zuk. Wa le namsi ba ale viok tuilik.

⁷ Naawen ka wayɔrisima nyɔnɔ. Wa a yaali ka wensie. Wensie nyama ale nya wa nimbidiaka.