Yiila 101 - WEN GBAŊKA

¹ Naawen m le leni yiili a weeni fi ŋmanteka ale fi wensieŋa wieŋa a te fu, m le leni yiili a pak fu.

² Mi ni yik m dek ate m kan tom kaasi fu, ka dai dina ate fi le jam a maari mu. M le bo bomaŋ m yenni po ale suinum weleŋ.

³ M kan pai m nina a tu wabulɔrisa. Nuru kaasintaŋa tuimaŋa, m kisi ŋa kama m kan pai m dek a te wa ŋala chaaba.

⁴ Mi ale nuru baai ale ka a yaali wensie la a yalima kama ale chaab, m kan ta wari a nye ale biem.

⁵ Waai ale a zu wa vaanchoa ŋaaŋ la m le basi ate wa nye diki. Nuru waai ale ta kanjanta wa nina ale wa suinum po la, m ka wari a nye ale wa.

⁶ Waai ale bo tɛŋka po a ta wensie la, m nina ale doa wa zuk ate wa bo ale mu, waai nyiini chelim ate nye kaasuŋ a ka wa jigi la ale wa tom a te mi.

⁷ Nuru waai ale a tom pimpaasima tuima, ale a velim la a kan kali mi yenni po. Nuru karo a biisi venta wie ale a zaani mi niŋŋa.

⁸ Saluik meena m le basi ate nuru baataŋa ale bo tɛŋka po la a nye diki, wabaata nyama buuni m kan te ba suik ate ba maa jo Naawen tɛŋka po.