Yiila 10 - WEN GBAŊKA

¹ Naawen yaa, ka boa ale soa ate fi za nna niŋniŋŋa? Ka boa ale soa ate fi a suk fidek diipo ate daanika a boro la?

² Wabaata nyɔnɔwa a ta ka kanjanta ale a namsi ŋanjaksaŋa, a yik ba wadek battaŋa ate wa nye la po.

³ Wabaata nyɔnɔwa a ta ka kanjanta ale ba biem popolaŋa. Ba biisi niak butuem nyama alege biisi a kaasi Naawen.

⁴ Wabaata nyɔnɔwa niŋ a ka Naawen po. Wa kanjanta nyiŋ wa a poli kama ayen Wen poom daa jaaboa.

⁵ Wabaata nyɔnɔ a nye wari meena ate di a niak kama. Wa kan miŋ Wen buusaŋa. Wa a nya wa dachaasaŋa ale ka kisika.

⁶ Wa a weeni wadek kama ayen, <>

⁷ Wa nɔnni po a sueri ale ka kikaasa ale venta ale nyinyigsa. Daanika ale biem ale kasim bo wa nɔnni po.

⁸ Wa suk wadek kama tɛŋ kpaŋsaŋa po, a limisi ayen wa ko baai ale kan seba wari nɔi po la. Wa mak a nye ka baai ale kan baga a maari badek la.

⁹ Wa a limisi ka wa sukka jigini ase gbeŋli la. Wa dua kama a limisi ayen wa yik baai ale kan baga a maari badek la. Wa yik ba kama ale wa baruku a dari ba a ta cheŋ.

¹⁰ Wa le baga baai la ŋɔriŋ kama a lɔ meena. Wa pagrimu a lɔnsi ba.

¹¹ Wa weeni wadek kama ayen, <>

¹² Vaari yiti, Naawen yaa, zak fi nisa Wen yaa. Kan baŋ niwomma.

¹³ Ka boa ale soa ate wabaata nyɔnɔwa a zɛri Wen yaa, ale a weeni wadek ayen, <>

¹⁴ Alege Wen yaa, fi ninaŋa a nya daanika ale ninammu kama, a gomsi ayen fi maari. Waai ale wobsa la a pai wadek kama a te fu, fi kasim a maari baai ale ka kpiŋsa la kama.

¹⁵ Wɛ wabaata ale biem nyɔnɔwa nisa, namsi wa waba tii ate wa tom la nyiŋ ate nuruba a zɛ la.

¹⁶ Naawen kasim ka Naab ate ku a cheŋ taam wuu. Tɛŋsa nuruba ale nya kaasuŋ a ta a nyini wa tɛŋka po.

¹⁷ Naawen yaa, wom baai ale a nam la puusa, te ba nyiŋbiiri, abe fi wom ba kumsa,

¹⁸ maari baai ale a nam la ale kpiŋsaŋa kumsa, bo te ba ate nurubiik kan ŋman nya daanika.