Yiburu 1 - WEN GBAŊKA

¹ Dila po Wen jam pai ka wa biisiteerɔma a va suita nna tɔgatɔga a jam biisi ale tama Juuma kokpieŋsaŋa. Wa jam biisi ale ba ka nna yegayega ate ku ga paari diichoa.

² Alege jinla danni, wa yaa pai ka Wa Nidoabinni a biisi ale ti. Nidoabinni de dek ate Wen lueri ayen wa soa jaabuuri meena ale bo wenŋmazuk ale tɛŋzuk de la. Wa ka waai mɛ ate Wen basi ate wa nye wenŋmazuk ale tɛŋzuk la.

³ Wa ta ka Wen nyaksi kaai ale a nyaksi nna kpelim kpelim la. Wa a neensi ka Wen mɛ nna yegayega. Ti dan nya wa, ti seba Wen mɛ ale ka diila kama. Nidoabinni dan biisi, wa biika ta pagrim ka nna yegayega. Be ka Wa Nidoabinni nyiini ale soa ate jaabuuri meena wenŋmazuk ale tɛŋzuk de a boro. Wa ale kpi a duisi ti wabaataŋa a basi ate ti chim wayɔrisima nyam la, wa yaa jueli kali ka Wen, waai ale ta pagrim a gaam jaabuuri meena la juga geŋ. Juga geŋka de ka zula jigi. Wen Nidoabinni ka nuru kpioŋ.

⁴ Nya kude abe a sak kama ayen Nidoabinni ale chim nuru kpioŋ a gaam maarɔma a soa diila, a soa ase ka Wen ale te wa yuenni ate di zuak gaam ba yueŋa diila.

⁵ Dii abe ale a sak ayen nya kude a sum ka wensie la ale, Wen an diem weeni wa maarɔma waai ya ayen, <> (Yiila 2:7) Wa ŋman weeni ayen, <> (2 Samuel 7:14)

⁶ Wen ale liŋ biak wa nidoabinni a basi tɛŋzuk de la, wa weeni ayen, <> (Yiila 97:7)

⁷ Wen ale weeni dii a magsi chaab ale maarɔma la ale nna ayen, <> (Yiila 104:4)

⁸ Alege wa ale ŋman biisi Wa Nidoabinni wari diila ale nna ayen, <

⁹ Fi a yaali ka wari dii ale ka wensie la. Fi kisi wa dii ale ka wa kaasuŋ la kama. Dila ale soa ate Naawen, fi Naawen lueri fu a te fu zula, a yaa te fu suipeentik nna yegayega a gaam fi chaama.>>

¹⁰ Ale, <

¹¹ Bala meena ale tɛŋzuk de meena le muriŋ bɛ kama. Alege fi kasim boro kama taam wuu. Ba le kaasi kama ase garuk la.

¹² Ase nuru ale a yeeri wa garuk kpak a yuk a basi ale ge a pai garuk paaluk a jo la. Suik kula po, ŋanta bala meena le tagri ka dila. Alege fi kasim boro ka dila kan maari a tagri. Fi le kasim boro ka dila taam wuu.>> (Yiila 102:25-27)

¹³ Ka dimpo ate Wen diem weeni wa maarɔma wanyi ayen, <> (Yiila 110:1)

¹⁴ Wen maarɔma ka wa tomteerɔba. Waai an baga a nya ba ale nina. Wen tom ba kama ayen ba jam maari baai le ba nya varibasika la.