Yabakkuk 2 - WEN GBAŊKA

¹ Mi ale jueli ka gboŋ a za ase limisidɔ la a limisi ate m nya Naawen ale wa weeni mu diila ale wa le wa tulisi m funfɔblaŋa diila.

² Naawen yaa tulisi mi a weeni ayen, <<Ŋmarisi dii ate fi nya la dueni. Ŋmarisi cheri a dueni tintain paglak nyiŋ ate waai dek ale a karim la a chali ga weeni ba gela.

³ Ku an diem paari diipo ate wanni ale chim wensie la, alege ku cheena ate wanni a chim wensie. Ku a nye ase ku a beni kama la, alege yik fidek a limisi, dii nyiŋla ku le sum jam, ku kan beni.

⁴ <

⁵ Daam ale baga a paasi nuru la, wabaata nyama a kan benni, diila ba a yaali ŋanta ase ka vɔrup ale a yaali kum diila, kum abe kasim a yaali ka kpieba yega. Ba tigsi tɛŋsaŋa meena nuruma a ta jam jigi yeŋ a ta ba.

⁶ <

⁷ Dai yeŋ nuru baai ate ni a tuesi ligra ba jigi la ale tulim ta chaab ale ni. Ba le miŋ dii meena ale a nye la a basi ate yɔgsum yik ni ate ni nyiŋsa a gɔk. Ate ba yaa tuesi jaab meena ate ni ta la.

⁸ Ni be le zu tɛŋsa yegayega la, baai ale tali la ale tuesi yegayega ni jigi. Dii nyiŋla ni ko nuruba yega a kaasi tɛŋ kpieŋsa ale nuru baai meena ale bo si po la.

⁹ <

¹⁰ Ni be le a zɔk ayen ni ko nuruba yega la ni nye kama ate chivie a yik nidek dɔkdemma. Dila nyiŋ ni le jɔk ni nyuvooŋa.

¹¹ Saasaŋa tintanaŋa ale kaari a weeni ayen ni an nye magsi ya, da pilintaŋa ale siak ayen ni nye kaasi kama.

¹² <

¹³ Naawen dii ale ka Tugurik Tɔŋdɔma Niŋdeerɔ ale basi ate bolim jam kaasi ba le se ŋan baai meena la, ate ba tuimaŋa meena a chim kinla.

¹⁴ Ate nya kpiem ale taari lik dua ate ba a nya diila, nuruba ale bo jigi meena la ale nya Naawen zulaŋa ale wa nalimu.

¹⁵ <

¹⁶ Nama Kaldiya demma chivie ale yik ni chekki, ni kan nya zula. Ku tulim jam kama ayen nama mɛ nyu buk lo tɛŋ ase da bugrik la. Suipuurum beerika ale bo Naawen juga nisa po la cheen ni jigi. Ni le tuesi chivie, daa zula.

¹⁷ Ni te ti ku jo nuruba nyiŋ Lebanon po, alege yɔgyɔgla de ku le jo nama mɛ nyiŋ. Ni che tiisaŋa meena ale ko duŋsa yegayega dula, yɔgyɔgla de yɔgsum le yik ni dii ate ni nye tɛŋ kala ale ka tɛŋ kpieŋsaŋa, ale nuruma ale bo si po la.

¹⁸ <

¹⁹ Waai ale a weeni bɔgluk ate ba nye ale diok la, ayen vari mu a basi la, ku le bie wa jigi. Waai ale a weeni tintain ayen yiti ŋmai la, ku le bie wa jigi. Di an baga a weeni fi le fi nye dii ya. Ka jaab kama ate ba pai ligmɔniŋ ale kpana nye lik ku nyiŋka, nyuvuri ka ku po.

²⁰ Naawen a bo ka wa yenni po, tɛŋka nuruma meena nye diki wa niŋ.>>