Wamagsima 9 - WEN GBAŊKA

¹ Yam a sɛ bu yenni. Bu ti bu zaŋŋa ŋayopɔiwa a zaani.

² Bu nye ka ŋandiinta tigi kpienni, a dam daata a magsi nyuka ale zaani ŋandiinta a magsi dɛka.

³ Bu tom ka bu tomteerɔma ayen ba ga wi waai meena ate wa jam. Bu zaani ka tɛŋka ŋmazuimaŋa a wi ba.

⁴ <> waai ale a yaali popola la wa weeni ayen.

⁵ <

⁶ Basi fi jɔk po yiila nyeelaŋa abe fi piilim boka, a nye dii ale di basi ate fi miŋ wie la.>>

⁷ Fi dan sak waai ale koosi a la nuruba la fi a nya ka leeta, fi be dan toariŋ gaasa nyɔnɔ wa ale lɛ fu.

⁸ Kaa toariŋ waai ale koosi a la nuruba la, wa le nye ate fi sui puuri. Toariŋ nuru waai ale ta yam la ate wa le yaali fu.

⁹ Sak yam nyam, ate ba ta yam a gum ba yammu po. Te wayɔrisima nyama sinsaga ate ba zamsi a ŋman gum du.

¹⁰ Dii nyiŋla, ka Naawen yɔgsum chalika ale yam nyubini. Fi dan seba waai ale welema la a ta ka buusa maŋsa a jam.

¹¹ Yam ale nye ate fi daaŋa a piisi, abe fi nya bena a gum fi nyuvunni po.

¹² Fi miŋ yam, ku a maari ka fidek. Fi koosi yam a la, ka fidek ale za fi jam a nam.

¹³ Nipok beruk a ta ka nuemka. Wa zɛ jaaboa alege wa zɛ ayen wa zɛ.

¹⁴ Wa kali ka wa tuoku nɔi nna wen wen ya a nya tɛŋ kpieŋka.

¹⁵ Wa wi ka nuru baai ale va suik a taam, ate ba nina a muni ale ba tuima.

¹⁶ <> Wa a weeni ka baai ale jɔk poi yiila la ale baai ale a silim wensie buusa boka la, wa a weeni ayen,

¹⁷ <>

¹⁸ Baai ale a siak wa wiika la a zɛ ayen wa ta ka kpilima ŋandiinta a bo wa yenni po. Waai ale ga a jo wa yenni po la a bo ka kpiluŋ.