Wamagsima 8 - WEN GBAŊKA

¹ Yam abe le a wi la, be wom. Miŋ chakka abe le a lak ka lueluku la be wom.

² Guuku ale bo suiku jigini la, ate wa wari za suik magsaŋa po la.

³ Tɛŋka nansuiŋku tuataŋa, suik kuui ale a jo la ate wa za a kaari ayen,

⁴ <

⁵ A jɔk po yiila nyama a zamsi yam. Betta mɛ a zamsi popola.

⁶ <

⁷ mi ale biisi ka wensie. M nɔngbanni a kisi gaasa wie kama.

⁸ M wieŋa ka wensie. Wari a ka di po a labri yaase a galiŋŋi.

⁹ Mi wieŋa a nye ka jassi a te waai ale a miŋ wie kiri la, ŋa be lagri a doa a te baai ale ta wie miŋka yam la kama.

¹⁰ Lueri m sinsaŋŋa abe fi basi kpana. Lueri wie miŋka abe fi ge basi ligmɔniŋ.

¹¹ Dii nyiŋla yam a ta dobrim a gaam tintain munta kama. Fi ale a yaali jabuui la an baga a magsi chaab ale bu.

¹² <

¹³ Naawen yɔgsum chalika ale fi kisi biem. Mi a kisi kanjanta ale kayerinni ale biem suik ale bi kaasuŋ kama.

¹⁴ Wie kiri kpabi miŋka ale nye niaka ka mi ale soa. Popo wie miŋka ale pagrim ka mi ale soa.

¹⁵ Ka mi nyiŋ ale soa ate nalima a de ba naam. Ate niŋdeerɔba ale a weeni diila a chim wensie.

¹⁶ Ka mi ale a maari niŋdeerɔba ate ba a tom ba tuima, ate nuru kpienta a bo wayɔrisima buusa.

¹⁷ <

¹⁸ Yam a ta jigsuŋ ale zula kama ale ŋman ta paaruŋ ale wensie.

¹⁹ M tiiritaŋa a gaam ligmɔniŋ kama, kaai ale nyini bolim po la. M tutunaŋa a gaam kpana.

²⁰ Mi a cheŋ ka wayɔrisima po, a ta bo wensie suita po.

²¹ Baai ale a yaali mi la ale nya paaruŋ. M le te ate ba nya ŋanta.

²² Naawen a soa mu a nyini ka wa tuimaŋa piilimka po, wa le piilim nye dii dipodipo la.

²³ Bena ŋaai ale taam la ate ba wi mi, a nyini piilimka po, alege ate tɛŋka a piilim nyeka.

²⁴ Ba de ka niŋ a biak mi alege yaa nye nya kpientaŋa alege ate bulisaŋa nyaata a tɔŋ a yiti.

²⁵ Ba de ka niŋ a biak mi alege yaa nye gu kpienta ale gu fiisaŋa

²⁶ mi ale jam paari a boro la ale wa an diem a nye tɛŋzuk de ate ŋandiinta laŋsa mɛ a karo.

²⁷ Mi boro kama alege ate wa nye wenŋmazuk ale nye dindaanuŋ a gilim nyakpiemu.

²⁸ Mi boro kama alege ate wa nye chiŋmaaŋa wenzukku po ale nye nya tii ale bo tɛŋka a buli a nyini tɛŋka la.

²⁹ Mi boro kama ate wa nye ate nya kpientaŋa kpeglimka jigini, ayen ŋa kan wusi a gaam ŋa banaŋa. Ale boro ate wa nye tɛŋ zuk de nyubaŋa dindaanuŋtaŋa.

³⁰ Mi bo ale wa kama ase bi fiik la, wa jam a nya masim a nyini ka mi jigi daa meena, a kasim ta suipeentik a bo wa jigi.

³¹ Ate yɔgyɔgla de m sui a peenti ale tɛŋka ate wa nye la. Nya mi ale a de masim ale nurubisaŋa dii ya!

³² Ate dila nyiŋ, m bisaa, ni wom mu, dii nyiŋla baai meena ale a va mi suitaŋa la a ta suipeentik kama.

³³ Wom m wieŋa ate fi ta yam. Kan zɛri ŋa.

³⁴ Suipeentik a bo ka baai ale a wom mi la, baai ale kasim bo m tuoku nɔi ale baai ale kasim za m yenni peelimmu po a limisi mu la.

³⁵ Waai ale a nya yam la, a ta ka nyuvuri ate Naawen nisima a bo wa zuk.

³⁶ Baai ale kan ta mi la, a ta ka daanika a jam badek zuk. Baai meena ale kisi mi la a yaali ka kum.