Wamagsima 31 - WEN GBAŊKA

¹ Naab Lemuel ale weeni bi sii ate wa mawa a sak la ale nna.

² <

³ Kan pai fi pagrim a te nipooba, baai ale a kaasi nalima.

⁴ Lemuel, ku an nala ayen nalima a nyu daamoa, yaase kpaga a nyu da pagrisa.

⁵ Diila ba dan nyu, ba ale baŋ wie ate ba kan bo wensie buusa a te baai ate ba ta a namsi la.

⁶ Pai da pagrik a te waai ale cheŋ a bɛ la, abe fi te waai chiik ale bo daanika po la daam.

⁷ Basi ate ba nyu a baŋ ba jaŋsaŋa abe ba kan ŋman teeri ba daanika.

⁸ Biisi a te baai ale kan baga a biisi a te badek la. Tom wensie tuima a te baai ale bo daanika po la.

⁹ Wensie, be biisi a te ŋanjaksa ale baai ale kan ta maarika la, abe fi basi ate wensie buusa boka a tom tuima.

¹⁰ Ka wana ale wa nya nipok maŋŋa ate wa baga wie a nye? Wa gaam tintain munta.

¹¹ Wa chorɔwa a baga a ta sebchakka ale wa kama, ate wa a nye ate wa boka po a nya jigsika nna yegayega.

¹² Wa boka po meena, wa ta ka ŋandiinta a jam a te wa alege daa daanika.

¹³ Wa gisi a nya ka duŋ kɔbta ale bɔkta a pai a tom wa tuima.

¹⁴ Wa a nye ase ka geruŋdɔ ŋaaruŋ ale a cheŋ niŋniŋ a ta ŋandiinta a jam la.

¹⁵ Wa a yiri kama alege ate vanni a veenti a dik ŋandiinta a te wa dɔkdem ale a gomsi danni tuima a te wa dɔkliema.

¹⁶ Wa a nya laŋ a da kama. Wa pai wa tutunaŋa a bori ŋanta wa kadukka po.

¹⁷ Wa pagra kama ale ta nyiŋbiiri ale tuima tomka.

¹⁸ Wa a yaali kama ayen wa ale a nye dii meena la a ta nyuenta a jam a te wa. Wa zeuŋku a baga a toati a paari yok suŋsuŋ kama.

¹⁹ Wa nisaŋa a kasim a yɔk ka ŋanta ale a nye gattaasa.

²⁰ Wa a teeri wa nisa a maari ŋanjaksa ale baai ale a silim la.

²¹ Wa kpaziim a kan nak ale ŋoota wen ya dii nyiŋla wa ta ŋoota gatta kama a te wa dɔkdemma.

²² Wa a nye ka wadek gattiak a lik wa gaduokku. Wa a jo ka garuk naliŋsa ate wa garuk woŋtaŋa a chim sobluk ale mɔnuŋ a dam chaab.

²³ Tɛŋka nansuiŋtaŋa demma a seba wa chorɔwa kama, juijui ate wa a kali ale tɛŋka niŋdeerɔma la.

²⁴ Wa a nye ka gatta ale chiak gbana a da a te geruŋdɔba.

²⁵ Pagrim ale zula a bo wa po ate wa kpaziim a kan nak ale chum wie.

²⁶ Wa dan biisi, yam a bo wa biika po kama ale a te sinsaga ale jiirim.

²⁷ Wa a kpesi a nya wa yenni po ŋanta meena ale ka wari a nye ale nyiŋ wɔrukwa.

²⁸ Wa bisaŋa a yiti a wi wa ayen suipeentik nyɔnɔ. Wa chorɔwa mɛ a pak wa.

²⁹ <>

³⁰ Nyeela maŋsa a baga chim pimpaasima kama, nalim mɛ ka kinla, alege nipok waai ale a chali Naawen la ale magsi pakka.

³¹ Tuni wa ale nye dii meena la nyiŋ. Te wa tuimaŋa nyiŋ nuru meena a pak wa.