Wamagsima 1 - WEN GBAŊKA

¹ Deevid biika Solomon, Izirali naawa wamagsimaŋa ale nna.

² Wamagsimaŋa de kiri ale ŋa te nuruba yam ale sinsaga, abe ŋa maari ba ate ba miŋ yam wie.

³ A ta va wamagsimaŋa de zuk, nuruba ale tuesi sinsaga ŋaai ale ta yik m dek, ale wayɔrisima ale dii ale chim wensie ale chekki la.

⁴ Sinsaŋŋa de ale basi ate waai ale jɔk po yiila la a seba. Ŋa le te bi paalukku wie miŋka yam.

⁵ Basi ate baai ale ta yam la a wom wamagsimaŋa de ate ba nya yam yegayega. Abe baai ale miŋ ku kiri la a nya ganika,

⁶ ate ku sak ayen waai meena a baga miŋ yam ale wamagsima ale sunsuelima ale yam wie ale watɔgma kama.

⁷ Naawen yɔgsum chalika ale wie miŋka piilimka, ka betta nyiini ale a zɛri yam ale sinsaga.

⁸ Be wom, m biiga ase fi ko ale a sak fu, kan zɛri fi mawa sinsaga.

⁹ Fi ale a zamsi dii a nyini ba jigi la ale lik fu ale niaka abe ku lik fi nyiŋka ale zula.

¹⁰ M biiga wabanyeerisa a daa paasi fu, cheem ŋaaŋ a te ba!

¹¹ Da dii dai ba ale weeni ayen, <

¹² Te ate ti yik ba a nɛ vuta, ase boosuk ale nɛ ku nuruba diila. Te ate ti nɛ ba bunyi, ase baai ale a siŋ kum vɔrup po la.

¹³ Poli ŋanti baai yega ate ti za ti nya la. Ti za ti pai ŋantaŋa de a basi ka ti yieŋa po.

¹⁴ Jam a gum ti po, jam ate ti pai ŋa meena a chari a te chaab.>>

¹⁵ M biiga, kan a cheŋ ale ba. Zaani niŋniŋ a nyini ba suitaŋa po.

¹⁶ Ba kpabi kama ayen ba tom tuimbaata. Ba a nye ka a wuli ayen ba ko nuru.

¹⁷ Ase nuim a dan nya baruk ale ku bari, bu a yalima kama ale ku.

¹⁸ Alege daa nuruma de. Ba gu doa a limisi ka badek. Ba a bari ka badek nyuvooŋa.

¹⁹ Baai nina ale muni ale ligra ale ka diila ale la. Ku a zu ka ba nyuvooŋa.

²⁰ Yam a nuem ka suitaŋa po. Yam a kum ka peelim jigi meena.

²¹ Yam a wi ka nuru boanni ale bo suiduoku po la ale baai ale tigsi za tɛŋ kpieŋka tuoku la.

²² <

²³ Jam de a jam wom mi m le kpiiri m yam chiika a basi fi zuk ate fi ta yam.

²⁴ <

²⁵ Fi banti m le sak fu diila kama ale zɛri dii ate m ta a sak fu la.

²⁶ Dila nyiŋ m le la fu ase fi nin bo daanika po! M le nye fu a la ase kaasuŋ ale jam bag fu la.

²⁷ Ase kaasuŋ ale jam bag fu ase va pagrik la, ate daanika a gilim fu, ate fi daanika ale fi namsika a paari fu.

²⁸ <

²⁹ Dii nyiŋla ba zɛri ka wie miŋka ale an yaali ba sak zula ale Naawen.

³⁰ Ba zɛri m le sak ba diila kama ale an poom wom m sinsaŋŋa ate m pai a sak ba la.

³¹ Dila nyiŋ, ba ale nya ba nyeka biem tutuna, abe ba ŋman nam ba biem nyeka nyiŋ.

³² A jɔk po yiila nyama a cheem basi mi kama ale a cheŋ kum jigi. Betta a kaasi ka badek sebchakka nyiŋ.

³³ Alege baai ale a wom mi la ale ta suiyɔgni, ate yɔgsum a kan chim daanika a te ba.