Tuima 9 - WEN GBAŊKA

¹ Alege Sɔɔl a kasim jam diem boro a nyigsi ti Nyɔnɔwa Yeezu Kirisita ŋaaŋviirɔma kama ayen wa a le ko ba. Wa yaa jam cheŋ kaabteerɔ kpioŋku jigi

² a bek wa ayen wa ŋmarisi gbaŋsa a te wa ate wa ta ga te Damasikus tɛŋka tuka diinaŋa demma, ate gbaŋsaŋa te wa suik ate wa dan nya waai ale wa ka Wen Suiku nuru, nidoa yaase nipok, abe wa yik kula nyɔnɔwa a bobi a ta cheŋ Jerusalem tɛŋka.

³ Sɔɔl yaa ale bo suiku po a cheŋ moata Damasikus tɛŋka la, wenŋmazuk yaa nyaksi a gilim wa.

⁴ Sɔɔl yaa lo tɛŋ a wom ale lueluk a weeni wa ayen, <>

⁵ Sɔɔl yaa weeni ayen, <> Ate lueluku a yaa tulisi wa ayen, <

⁶ alege yiti a jo tɛŋka po ale fi le wom dii ale magsi fi nye la.>>

⁷ Nidoa baai ale jam maa va wa a cheŋ la a jam wom ka lueluku alege ba an nya nuru. Ba be an ŋman jam baga a biisi.

⁸ Sɔɔl ale ga yiti la, wa ninaŋa yaa lik ate wa an ŋman baga a nya. Ba yaa yik wa nisima a ta wa cheŋ Damasikus tɛŋka.

⁹ Ku jam paari ka daa ŋata alege wa an diem a nya. Wa be an jam dɛ ŋandiinta yaase wa nyu nyiam.

¹⁰ Yeezu ŋaaŋviirɔ ale jam bo Damasikus tɛŋka. Wa yuei jam le Ananaiyas. Ti Nyɔnɔwa Yeezu Kirisita yaa jan jam wa jigi nna se wa goa daasim kama la a weeni wa ayen, <> Ate wa yaa tulisi ayen, <>

¹¹ Ti Nyɔnɔwa a yaa weeni wa ayen, <

¹² Wa seba kama ayen fi cheena dii nyiŋla, wa jam nya nuru ase wa goa daasim kama la, ale wa cheena wa jigi. Nuruwa yuei ale Ananaiyas. Wa jam pai wa nisima a vi wa zuk ayen wa ninaŋa ŋman lagri.>>

¹³ Ananaiyas a yaa tulisi ti Nyɔnɔwa Yeezu Kirisita ayen, <

¹⁴ Wa be tuesi ka pagrim kaabteerɔ kpaŋŋa jigi a jam Damasikus tɛŋka po ayen wa yik waai ale a wi Fi Yuenni la.>>

¹⁵ Ti Nyɔnɔwa Yeezu Kirisita a yaa weeni Ananaiyas ayen, <

¹⁶ Mi dek abe le sak wa ninam buui ate wa ale nam Mi Yuenni nyiŋla.>>

¹⁷ Ananaiyas yaa cheŋ ga jo yenni po, a pai wa nisimaŋa a vi Sɔɔl zuk a weeni ayen, <>

¹⁸ Wa ale ga weeni nueri la, ŋanta nna ase jum pagta la a yaa nyini Sɔɔl ninaŋa po a lo ate wa yaa ŋman baga a nya. Wa yaa yiti zaani a tuesi soka.

¹⁹ Wa ale ga dɛ ŋandiinta la, wa pagrimu yaa ŋman pilim jam. Sɔɔl yaa jam goa daa maga dega Damasikus tɛŋka po ale ŋaaŋviirɔma.

²⁰ Wa yaa deri cheŋ ga jo Juuma tuka diinaŋa po a piilim a sak nuruma Yeezu wie a weeni ba ayen, <>

²¹ Baai meena ale jam wom wa sinsaŋŋa la, ku yaa cha ba ate ba a bek chaab ayen, <>

²² Alege Sɔɔl yaa ŋmasi jam ta ka pagrim nna yegayega a sak wa sinsaŋŋa ale a biisi a nak nanpaga nna yegayega ate ku yaa butim Juuma baai ale jam bo Damasikus tɛŋka po la. Wa jam a nye wieŋa de kama ayen ku sak ayen Yeezu sum ka Kirisitawa.

²³ Daa yega ale ga taam la, Juuma yaa jam jigi yeŋ a nye tuka a poli ayen ba ko Sɔɔl.

²⁴ Alege wa jam wom ba ale poli ayen ba nye wa diila kama. Daa meena yok ale kantueŋ ba kasim jam za ka tɛŋka po nansiuŋtaŋa noa a limisi ayen ba dan nya wa abe ba ko wa.

²⁵ Alege Sɔɔl ŋaaŋviirɔma a yaa pai wa a nyo busik po a ta wa va siaka ate wa siŋ cheŋ.

²⁶ Sɔɔl ale jam cheŋ Jerusalem tɛŋka la, wa jam pii nyiŋ a yaali ayen wa maa gum ka Yeezu ŋaaŋviirɔma po. Alege ba jam ka siaka ayen wa ka Yeezu ŋaaŋviirɔ. Yɔgsum yaa jam yik ba.

²⁷ Alege nuru waai ate ba a wi ayen Banabas la yaa maari wa a ta wa jam Yeezu tuimtomdɔma jigi. Banabas yaa weeni sak ba Sɔɔl ale jam bo suiku po a cheŋ Damasikus ate wa nya ti Nyɔnɔwa Yeezu Kirisita ate wa biisi ale wa diila. Wa ŋman weeni sak ba Sɔɔl ale jam nyini peelim dii Damasikus tɛŋka po a pai Yeezu Yuenni nyiŋ a sak nuruba ale kan chali yɔgsum la.

²⁸ Ba yaa siak ate Sɔɔl a maa boro ale ba Jerusalem tɛŋka po a nyini peelim a sak nuruba ti Nyɔnɔwa Yeezu Kirisita Yuenni nyiŋ ale kan chali yɔgsum.

²⁹ Wa jam a biisi kama ale zukooŋ a nak nanpaga ale baai ale ka Juuma a wom Girik demma biika la. Ba yaa jam pii nyiŋ a yaali ayen ba ko wa.

³⁰ Wa Kirisita bisa suataŋa ale ga seba la, ba yaa ta wa cheŋ Siizariya tɛŋka, a yaa zaani dula jigini a basi wa ate wa a cheŋ Taasus tɛŋka.

³¹ Kirisita bisaŋa ale a tu chaab meena a jam bo Judia tɛŋka po la ale Galili tɛŋka po la ale Samaria tɛŋka po la yaa jam boro ale ka suiyɔgni a chim. Ba siaka jam ta ka pagrim a kasim jam a chim nna yegayega a gum du ate ba va Wen Suiku ale a chali wa. Wen Chiika abe jam a maari ba kama ate ba jam piisi a gum du.

³² Piita kasim jam nyeemu a cheŋ ka Kirisita bisaŋa ale a tu chaab la jigi, jigi meena. Dai yeŋ ate wa yaa cheŋ Lida tɛŋka.

³³ Dula jigini wa yaa nya nuru wa yuei jam le Aniiyas. Wa jam gbariŋ kama an baga a cheŋ ate wa kasim jam dua tiak po ate ku ga paari bena naaniŋ.

³⁴ Piita yaa wi wa ayen, <>, a weeni wa ayen, <> Aniiyas a yaa deri yiti nna bunyi dekki.

³⁵ Nuru baai meena ale bo Lida ale Saaron tɛŋsaŋa ale nya wa la, ba mɛ yaa deri tagri a maa va ti Nyɔnɔwa Yeezu Kirisita.

³⁶ Nipok ale jam bo Jopa tɛŋka. Wa maa ka waai ale ta siaka ale Yeezu la. Wa yuei ale Tabita. Ba jam a wi wa ale Girik demma biika ayen ka Dookas. Di kiri ale yisik. Wa kasim jam a yaali tuimaŋsa tomka ale a maari ŋanjaksa mɛ.

³⁷ Va ŋala po nyiŋtuila yaa yik wa ate wa kpi. Ba ale jam so wa nyiŋka nueri la, ba yaa jam pai wa a ta jueli dueni kiari po.

³⁸ Lida tɛŋka ale moata Jopa la, ŋaaŋviirɔma ale wom ale Piita bo Lida la, ba yaa tom nidoaba baye wa jigi a saalim wa a weeni ayen, <>

³⁹ Piita yaa yiti va ba a cheŋ. Wa ale jam la, ba yaa ta wa jueli kiani po. Pukɔŋŋa meena a jam gilim wa kama a kaari ale a sak Piita garuk tii meena ate Dookas a jam nye ti diipo ate wa jam vua la.

⁴⁰ Piita yaa yiak ate ba meena nyini peelim ale ge a kpi duna tɛŋ a puusi ale ge viriŋ tuk kpiewa nyiŋ ayen, <> Tabita yaa lak wa ninaŋa. Wa ale ga nya Piita la, wa yaa yiti kali ŋmai.

⁴¹ Piita yaa forisi paari wa a maari wa ate wa yiti zaani ŋmai. Piita yaa wi baai ale ta siaka ale Yeezu la, ale pukɔŋŋa a yaa pai wa javuk a te ba.

⁴² Waai meena Jopa tɛŋka po a jam wom wanni de kama ate nuruba yegayega a jam siak a te ti Nyɔnɔwa Yeezu Kirisita.

⁴³ Piita jam goa Jopa ka da boari ale nuru wanyi ate ba a wi wa ayen Simon. Wa jam ka gbanzaba.