Tuima 8 - WEN GBAŊKA

¹ Sɔɔl a jam maa siak kama ayen ba ko Sitiven. Da dii danni ate ba ko Sitiven la, Kirisita bisaŋa ale a tu chaab Jerusalem tɛŋka la a deri piilim ninam nna yegayega nyaka. Baai ale ta siaka ale Yeezu la, a yaa jam waaŋ chaab Judia ale Samaria tɛŋsaŋa meena po. Ka tuimtomdɔma nyiini ale jam kan waaŋ chaaba.

² Nuru baai ale ŋmasi jam a yaali Wen suiku la, ale jam ta Sitiven a ga gu ale a kaari nna yegayega.

³ Alege Sɔɔl a jam diem pii ka nyiŋ a nyiem gilim a cheŋ yeeŋa dinyi dinyi a basi ate Kirisita bisaŋa ale a tu chaab la a nam a dari ba meena nidoaba ale nipooba a yik ba a lik.

⁴ Baai meena ale ta siaka ate ba waaŋ jigi meena la, a yaa jam nyiem a cheŋ jigi meena a sak Wen wamaŋsaŋa.

⁵ Filip yaa jam cheŋ Samaria tɛŋ kpieŋka po a mooli Kirisitawa wie a te ba.

⁶ Nuru boanni ale jam nya wakperikaliik sii ate Filip nye la, ba yaa ŋmasi lak ba tueŋa a wom wa sinsaŋŋa.

⁷ Wie ŋaai ale jam nye la gela ale, nuruba yegayega baai ale jam ta chichirik baata la, a kaari ate ti a nyini, ale baai naŋsa ale ba nisima ale jam kpi la, a jam nya nyiŋyɔgsa kama.

⁸ Dila nyiŋ suipeentik nna yegayega a jam bo tɛŋ kala po kama.

⁹ Nuru ale jam bo tɛŋ kala po. Wa yuei jam le Simon. Wa jam ka tiita nyɔnɔ. Wa jam pai ka tiita a nye wakperikaliisa nna yegayega ate ŋa cha Samaria demma. Wa jam pai wadek a chim ka nuru kpioŋ.

¹⁰ Waai meena nuru kpienta ale nuru fiisa tɛŋ kala po a jam a wom wa ka nna yegayega a weeni ayen, <>

¹¹ Ba jam a wom wa kama nalimnyiini dii nyiŋla, wa wakperikaliisaŋa a jam cha ba beni ka nna yegayega.

¹² Alege ba ale jam wom Filip sinsaŋŋa a magsi chaab ale Wen naamu ale Yeezu Kirisita pagrimu wie la, ba meena nidoaba ale nipooba a jam tuesi ka soka.

¹³ Simon dek a jam maa ta siaka kama. Ba ale jam te wa soka a ga nueri la, wa yaa jam maa boro ale Filip a nya wakperikaliisa ale wakinkagla nna yegayega ate ku cha wa.

¹⁴ Tuimtomdɔma ale jam bo Jerusalem la ale wom ayen Samaria demma a tuesi Wen Wanni kama la, ba yaa tom Piita ale Jɔɔn ayen ba cheŋ ba jigi.

¹⁵ Ba jam puusi a te ba kama ayen ba tuesi Wen Chiika.

¹⁶ Dii nyiŋla, Naawen Chiika an diem jam siŋ ba waai zuwa. Ba jam tuesi soka ka ti Nyɔnɔwa Yeezu Kirisita yuenni nyiŋ.

¹⁷ Piita ale Jɔɔn yaa pai ba nisimaŋa a vi ba zuk ate Wen Chiika a jam ba jigi.

¹⁸ Simon ale nya ayen tuimtomdɔma a pai ba nisima a vi ba zuk ate ba tuesi Wen Chiika la, wa yaa pai ligra ayen wa te Piita ale Jɔɔn,

¹⁹ a weeni ba ayen, <>

²⁰ Alege Piita yaa tulisi wa ayen, <

²¹ Fi niŋ a maa ka ti tuimaŋa po dii nyiŋla, fi suinummu a ka nyemagsika ale Wen ya.

²² Dila nyiŋ, ku a fɛ kama ayen fi tagri fi popola baataŋa de abe fi puusi ate ti Naawenni a vɔŋ a te fu fi ale poli wanni de choawa la nyiŋ.

²³ Dii nyiŋla, m nya kama ale fi suinummu ka wa tuasa ale biem ale kasim sueri bu.>>

²⁴ Simon a yaa weeni Piita ale Jɔɔn ayen, <>

²⁵ Piita ale Jɔɔn ale biisi ba ale seba Yeezu a soa diila, ale maa sak ba Naawen wamaŋsaŋa a ga nueri la, ba yaa pilim ŋman cheŋ Jerusalem tɛŋka. Ba ale jam bo suiku po a cheŋ la, ba jam sak wapaala maŋsaŋa Samaria tɛŋ fiisaŋa yegayega po kama.

²⁶ Ti Naawen maarɔ yaa weeni Filip ayen, <> (Ku ka suik kuui ale va sagni po a cheŋ la.)

²⁷ Ate wa yaa yiti a cheŋ. Wa le bo suiku po a cheŋ la wa yaa nya Itoopiya denɔ. Wa jam ka nuru kpioŋ dek, a bo Kandase a tom tuima, Itoopiya nipok Naawa yenni, wa ale jam a nya nipok naawa ligraŋa zuk. Wa jam cheŋ ka Jerusalem ayen wa puusi.

²⁸ Ase wa le jam bo suiku po a kuli la, wa jam kala ka wa toroko po a kariŋ Biisiteerɔwa Azaya gbaŋka.

²⁹ Wen Chiika a yaa weeni Filip ayen, <>

³⁰ Filip yaa chali cheŋ wa jigi yaa wom ale wa a karim Biisiteerɔwa Azaya gbaŋka. Filip yaa bek wa ayen, <>

³¹ Kpagni yaa tulisi wa ayen, <> Wa yaa wi Filip ate wa jueli kali jaamu po ale wa.

³² Biisiteerɔwa Azaya ale jam a karim diila ale nna, <

³³ Wa jam nya chivie alege ba jam mini wa wensieŋa kama. Nuru karo ale baga a biisi wari a sak wa ŋaaŋbisaŋa, dii nyiŋla, wa nyuvunni tɛŋzuk de a kpeglim kama.>> (Azaya 53:7-8)

³⁴ Kpagni yaa bek Filip ayen, <>

³⁵ Filip yaa deri pai karimka de a piilim biik a weeni wapaala maŋsaŋa a magsi chaab ale Yeezu.

³⁶ Ba ale jam va chaab a cheŋ suiku po la, ba yaa jam paari jigi ate nyiam a dua ate kpagni yaa weeni Filip ayen, <>

³⁷ Filip yaa weeni wa ayen, <> Kpagni yaa tulisi wa ayen, <>

³⁸ Kpagni yaa nye ate torokowa a zaani, ate wa ale Filip a siŋ nyiamu po ate Filip a te wa soka.

³⁹ Ba ale nyini nyiamu po a jueli la, Wen Chiika yaa deri ta Filip a cheŋ ale ge kpagni nyiini. Kpagni an ŋman nya wa, wa yaa cheŋ ale suipeentik.

⁴⁰ Filip yaa deri nya ale wadek a bo ka Azotus tɛŋka. Wa ale jam bo suiku po a cheŋ la, wa jam a sak Wen wamaŋsaŋa ka dila a ga paari Siizariya tɛŋka.