Tuima 5 - WEN GBAŊKA

¹ Alege nuru ale jam boro. Wa yuei ale Ananaiyas. Wa powa yuei ale Safira, a yaa pai ba tɛŋ a da.

² Ba yaa maa chaab a poori ligraŋa gela a ta badek ale ge nŋala a te tuimtomdɔma.

³ Ba ale ta ligraŋa a jam tuimtomdɔma jigi la, Piita yaa bek wa ayen, <

⁴ Diipo ate fi an diem pai ka a da la, daa fi ale jam soa ka? Fi be ale pai ka mɛ a da la, ligraŋa mɛ daa fi ale soa? Be ka boa ale soa ate fi poli a nye wanni de? Nya de, fi an velim a te daa nuru biiga, fi velim a te ka Wen.>>

⁵ Ananaiyas ale wom nna la, wa yaa deri lo tɛŋ a kpi ate yɔgsum nna yegayega yaa yik baai meena ale jam wom nya kude la.

⁶ Nidoa paaluk baai ale jam bo dula la yaa pai garuk pali a vili wa nyiŋka a ji wa ta nyini cheŋ a ga gu.

⁷ Ku ale ga beni magadek la, wa powa yaa jam jo. Wa jam zɛ dii ale nye la.

⁸ Piita yaa weeni wa ayen, <> Nipowa yaa tulisi Piita ayen, <>

⁹ Piita yaa bek wa ayen, <>

¹⁰ Wa yaa deri lo Piita naŋsa tɛŋ a kpi. Nidoa paalukku a yaa jam jo nya ale wa kpiya ate ba yaa ji wa a ta nyini a ga gu wa chorɔwa tɛŋ.

¹¹ Yɔgsum nna yegayega a yaa jam yik Kirisita bisaŋa meena ale baai meena mɛ ale jam wom wieŋa de la.

¹² Tuimtomdɔma kasim jam a nye ka wakperikaliisa ale wakinkagla nna yegayega nuruma po. Baai ale ta siaka la, a kasim jam a nye tuka ale chaab ka Solomon Pɔsuku jigini Wen yenni po.

¹³ Nuru mbala waai an jam a yaali ayen ba gum ba po, ba meena jaa zuli ba kama.

¹⁴ Nuru boari nna yegayega nidoaba ale nipooba baai ale jam ta siaka ale ti Naawenni la a jam gum siarɔma po.

¹⁵ Tuimtomdɔma ale jam a nye diila a basi kama ate nuruba ji yɔgnyieŋsa ale gaduata ale taasa a ta ba nyini suitaŋa niŋsa ayen Piita daa taam abe wa yisuŋku a jɔk va ba zuk a taam.

¹⁶ Nuru boari ale jam nyini tɛŋ sii ale kala gilim Jerusalem tɛŋka la a ta nuru baai ale a yuak yaase chichirik baata a bo ba po la a jam. Ba meena jam nya nyiŋyɔgsa kama.

¹⁷ Alege kaabteerɔ kpioŋku ale baai ale jam bo dula ale wa la, Sajusiima beŋka yaa jam a dɛ nyuri.

¹⁸ Ba yaa yik tuimtomdɔma a lik, dɔk kuui po ate ba a lik waai meena ku po la.

¹⁹ Yok kuui ate ba lik ba la, Naawen maarɔ yaa jam lak likka diinaŋa noaŋa a ta tuimtomdɔma a nyini a yaa weeni ba ayen,

²⁰ <>

²¹ Tuimtomdɔma yaa siak wa nɔnni a yaa yiti saluik yokyok a ga jo Wen yenni po a sak nuruma. Dila powa kaabteerɔ kpioŋku ale wa vaanchaama yaa wi nisɔmma meena ale Izirali nuru kpientaŋa a tom ayen ba ga ta ba nyini likka dɔkku po a jam.

²² Alege nuru baai ate ba tom ayen ba ga ta ba a jam la yaa cheŋ ga paari alege tuimtomdɔma ka likka dɔkku po ate ba pilim ŋman jam weeni a sak ba ayen,

²³ <>

²⁴ Wen yenni limisidɔma kpagni ale kaabteerɔ kpaŋŋa ale ga wom dila la, ba yaa butim ale a poli jabuui ate wanni de ta cheen la.

²⁵ Nuru wanyi a yaa jam jo ba jigi a weeni ba ayen, <>

²⁶ Limisidɔma kpagni ale wa nuruma yaa maa chaab a cheŋ a ga ta tuimtomdɔma a ŋman jam. Ba an jam nye pagrim a yik ba dii nyiŋla ba jam a chali ka yɔgsum ayen nuruma nin zaan yuk ba ale tintana.

²⁷ Ba ale ta ba jam la, ba yaa kali tigsuŋku niŋ ate kaabteerɔ kpioŋku yaa bek ba ayen,

²⁸ <>

²⁹ Piita ale tuimtomdɔ mbala yaa tulisi ayen, <

³⁰ Ni ale yik Yeezu a kpi jabarimu nyiŋ a ko wa la, tama ale ti koma Wenni a nak wa a yiti kum po kama.

³¹ Wen zak wa kama a kali wadek juga ase Niŋdeerɔ ale Varibasidɔ la ayen ku te Izirali demma basi ba wabaataŋa tomka ate ba nya vɔŋteka.

³² Tama abe chim ka seerɔba a te wieŋa de, ku be ka dila ale Wen Chiika, waai ate Wen a pai wa a te baai ale a wom wa nɔi la.>>

³³ Kpaŋŋa ale wom nna la, ku yaa puuri ba sue ate ba jam a yaali ayen ba ko ba.

³⁴ Alege kpaŋŋa po wanyi a jam ka Farisii. Wa yuei ale Gamaliil. Wa jam ka Juuma Sinsak sagrɔ. Waai meena a kasim jam a te wa zula ka nna yegayega. Wala yaa yiti zaani kpaŋŋa po a weeni ayen ba ta tuimtomdɔma a nyini peelim ate ku nye maga dega.

³⁵ Wa yaa weeni ba ayen, <

³⁶ Nama dek baga a teeri ayen nuru waai ate ba a wi ayen Teudasi la a jam pai wadek a sak kama ayen wa ka nuru kpioŋ ate nuruba yaa jam paari nidoaba kobsinaansi a pai badek a te wa. Alege Aroom demma ko wa kama ate wa ŋaaŋviirɔma meena a jam waaŋ chaab ate wa wanni mɛ a bɛ.

³⁷ Dila ŋaaŋnyiŋ ate Judas Galili denɔwa mɛ a jan jam diipo ate ba jam boro a chiini nuruma la. Wa ale jan jam la, nuru boari ale jam va wa mɛ. Alege ba ko wa mɛ kama ate wa nuruma meena a waaŋ chaab.

³⁸ Dila mi a weeni kama ayen dii ate nuruma a nye yɔgyɔgla de la, ni basi ba badek ba nyiini, ale zɔŋŋa de yaase dii ate ba a nye la a dan nyini ka nurubiik jigi ŋa kan ga jigiya,

³⁹ alege ku dan nyini ka Wen jigi, ni kan baga a kasi ba. Ni be kpesi nidek kan daa di ni le tulim a kpaliŋ ale ka Wen.>>

⁴⁰ Ba yaa siak wa le kaam ba dii la, a wi ate tuimtomdisaŋa a jo ate ba nak ba ale weeni ba ayen ba kan ŋman sak Yeezu yuenni nyiŋŋa, ale basi ate ba cheŋ.

⁴¹ Tuimtomdɔma ale jam basi ba la, ba sue a jam peenti kama dii nyiŋla, ka Naawen ale pai ba a chim nuru baai ale magsi ayen ba nam a nya chivie Yeezu yuenni nyiŋla.

⁴² Daa meena Wen yenni po ale ba yieŋa po ba kasim jam a sak nuruba kama ale a mooli ayen Yeezu ka Kirisitawa.