Tuima 3 - WEN GBAŊKA

¹ Piita ale Jɔɔn a yaa jam a cheŋ Wen yenni diipo ate ba a puusi la, wenbalinni baŋ buta.

² Nuru ale jam boro, ba le biak wa la ale wa ka gbaruk ate ba nyiem ji wa a ta ga kali Wen yenni nansuiŋku ate ba a wi ayen Nalim Nansuiŋ la nɔi ate wa a juisi baai ale a jo Wen yenni po la.

³ Wa ale jam nya Piita ale Jɔɔn cheena ba jo la, wa yaa juisi ba ayen ba te wa jaab.

⁴ Ba yaa nya wa nina po nna ziin, ate Piita weeni wa ayen, <>

⁵ Wa yaa kasim a nya ale a yiili ayen wa ale nya ka jaab ba jigi.

⁶ Alege Piita yaa weeni wa ayen, <>

⁷ Piita yaa yik wa juga nisaŋa a maari wa ate wa yiti. Nuruwa naŋsaŋa ale kunaŋa a deri ta pagrim nna nwuli.

⁸ Wa yaa dugsi a piilim a cheŋ va ba jo Wen yenni po a yɔk a zi a cheŋ a pak Wen

⁹ ate nuruma meena a nya wa ale a cheŋ ale a pak Wen la.

¹⁰ Ba jam miŋ ayen ka waai ale a kali Nalim Nansuiŋku a juisi la ale la. Ku yaa chim wakperikaliik a te ba.

¹¹ Piita ale Jɔɔn yaa pilim jam bo ka Yenni po juijui ate ba a wi ayen Solomon Pɔsuk la. Nuruwa ale jam bobi Piita ale Jɔɔn nna giŋgiŋ a ta la, ku yaa cha nuruma meena ate ba yaa chali cheŋ Piita ale Jɔɔn jigi.

¹² Piita ale nya nuruma la wa yaa weeni ba ayen, <

¹³ Ku ka Abrayam ale Aizik ale Jekob ale ti kokpieŋsaŋa Wenni ale te zula wa tomteerɔwa Yeezu. Alege nama ale yik wa a te Gominawa Paalɔt zɛri wa wa niŋ. Paalɔt jam poom a yaali ayen wa vari wa a basi kama alege nama zɛri.

¹⁴ Yeezu a jam ka Weleŋsa Ale Wayɔrisima Nyɔnɔ, alege nama zɛri wa kama alege weeni Paalɔt ayen wa yeeri nuru koorɔwa a te ni.

¹⁵ Nama be ko ka nyuvuri teerɔwa. Wen abe nak wa yiti kum po kama. Tama be nya wanni de kama a weeni sak ni.

¹⁶ Ku be poom ka wala yuenni pagrim nyiŋ ale siaka wa yuenni nyiŋ ate nuruwa de ate ni seba wa la a nya nyiŋyɔgsa ate ni a nya wa ate wa ta pagrim. Ni ale a nya dii nna la, ku ka siaka Yeezu yuenni nyiŋ ate nuruwa a tara a yaa nya nyiŋyɔgsa nama meena nimbie po.

¹⁷ <

¹⁸ Alege Wen ale nye dii a va wa biisiteerɔma zuk a biisi ayen wa Kirisitawa a nam la. Ku sum jam chim ka wensie.

¹⁹ Dila nyiŋ ni be tagri a basi ni tuimbaataŋa ate Wen a vɔŋ te ni. Ni dan nye dila suipeentik ale nyini ti Naawenni jigi a jam ni jigi

²⁰ ate wa basi ate Yeezu waai ale ka Kirisitawa ate wa poom lueri wa a te ni la yaa jam ni jigi.

²¹ Wa ale kasim bo ka wenŋmazuk ate ku ga paari diipo ate wa le jam nye wie meena a magsi ase Wen ale jam pai wa biisiteerɔ weleŋsaŋa a biisi dii dipo la.

²² Moosis a weeni kama ayen,

²³ Nuru waai abe ale kan a va dii ate biisiteerɔwa de a weeni la, ku a fɛ kama ayen Wen poori wa nuruma po a kaasi wa.> (Kaabka 23:29)

²⁴ Biisiteerɔ baai meena ale biisi a ta nyini Samuel daaŋa po, ale baai mɛ ale pai saŋ wa la, bala meena a biisi magsi chaab ale ka wie ŋaai ale nye daaŋa de la.

²⁵ Nama be ka biisiteerɔma de bisa. Wen abe ale jam nye nɔiyeŋka dipo ale ni kokpieŋsaŋa la, nama abe maa ta nɔiyeŋ kala mɛ kama ase wa ale jam weeni Abrayam ayen, (Piilimka 22:18)

²⁶ Wen a nak wa tomteerɔwa a yiti kum po, a liŋ tom wa nama jigi ayen wa niak ni, ni le basi gaasa suitaŋa la nyiŋ.>>