Tuima 25 - WEN GBAŊKA

¹ Fesitos ale ga dɛ wa naamu a yaa soa tɛŋka la, ku daa ŋata dai ate wa basi Siizariya ale ge cheŋ Jerusalem.

² Kaabteerɔ kpioŋku ale Juuma kpaŋŋa a yaa jam wa jigi a weeni wa wie ŋaai meena ate Pɔɔl kaasi la. Ba meena jam a saalim Fesitos ayen,

³ wa maa maari ba ate ba ta Pɔɔl a jam Jerusalem. Ba jam weeni dila kama a poli ayen ba le basi kama ate nuruba suk suiku niŋ ate wa dan jam a taam abe ba ko wa.

⁴ Fesitos yaa tulisi ba ayen, <

⁵ Ni basi ate ni kpaŋŋa a va mu cheŋ Siizariya ate ni ga ŋma wa dula jigini ase wa nin kaasi wari.>>

⁶ Fesitos a ŋman goa ale ba daa naaniŋ yaase daa pi a gum du ale ge cheŋ Siizariya. Wa ale ga paari Siizariya ate vari veenti la, wa yaa jo biisaŋa dɔkku po a kali wa zukpaglika zuk a weeni wa tugurik tɔŋdɔma ayen ba ta Pɔɔl jam.

⁷ Pɔɔl ale ga jam la, Juuma baai ale jam maa nyini Jerusalem a jam la, a yaa jam za gilim Pɔɔl a weeni ayen wa kaasi ka wie nna yegayega alege ba an jam baga sak ayen ŋaai ate ba a weeni a magsi chaab ale Pɔɔl la ka wensie.

⁸ Pɔɔl yaa biisi ayen wa vari wadek a basi, wa weeni ayen, <>

⁹ Alege Fesitos ale jam a yaali ayen wa nye wari ate Juuma suipeentik la, wa yaa bek Pɔɔl ayen, <>

¹⁰ Pɔɔl yaa tulisi ayen, <

¹¹ M be dan kaasi ka wari ate dila nyiŋ ku magsi ayen m kpi, m kan weeni ayen m kan kpi. Alege wensie abe dan kan boro ale ba ale a ŋma mu la, nuru karo a baga pai mi a nyo ba nisima po. Mi a yaali kama ayen ti cheŋ naab kpioŋku Siiza jigi ate wala bo mi buusa.>>

¹² Fesitos yaa nya chaab ale wa nuruma baai ale bo ale wa a sak wa a magsi chaab ale wa tuimaŋa la a nueri ale ge a weeni Pɔɔl ayen, <>

¹³ Ku ale ga beni maga la, Naab Agiripa ale wa toawa Beniis yaa cheŋ Siizariya ayen ba puusi Fesitos abe ba nye wa tia.

¹⁴ Ba ale bo dula ate ku paari da boari la, Fesitos ya tɔk Pɔɔl wanni kiri a sak Naab Agiripa ayen, <

¹⁵ Mi ale cheŋ Jerusalem la, kaabteerɔ kpaŋŋa ale Juuma nisɔmma ale jam a ŋma nuruwa de ayen wa nye wie kaasi ate ba yaa jam mi jigi ayen m bo wa buusa.

¹⁶ Mi mɛ yaa tulisi ba ayen tama Aroom demma sinsaŋŋa a weeni kama ayen nuru waai ate nuru a ŋma wa ayen wa kaasi wari la, bala bayewa a tu chaab a nya chaab ate waai ate ba a ŋma la a biisi vari wadek a basi ale ge ate ti yaa bo ba buusa.

¹⁷ Nuruma de ale va mi a jam Siizariya ayen ti chamsi wa nya la, mi an beni du. Dai dii ale pasaŋ la mi yaa kali buusa zukpaglika zuk a weeni ayen ba ta nuruwa a jam.

¹⁸ Wa dachaasaŋa ale ga yiti zaani ayen ba biisi la, ba an poom biisi wakaasima ŋaai ate mi jam a poli ayen ba ale biisi a magsi chaab ale wa la.

¹⁹ Ba ale jam a biisi dii meena la ale nanpaga nakka a magsi chaab ale badek wensuik vaka wie ale nuru wanyi ate ba a wi wa ayen Yeezu ate wa kpi alege Pɔɔl a weeni ayen wa vua kama.

²⁰ Mi ale kan jam seba mi ale m tulisi beŋŋa dii la, mi yaa bek Pɔɔl,

²¹ Alege Pɔɔl a jam weeni kama ayen wa a yaali kama ayen wa wari dela ate Naab Kpioŋku a poli nya wa ale wa nye wanni de diila. Dila nyiŋ ate mi yaa weeni ayen ba a limisi wa ate m yaa tom ate wa cheŋ naab kpioŋku Siiza jigi.>>

²² Agiripa yaa weeni Fesitos ayen, <> Fesitos mɛ yaa tulisi wa ayen, <>

²³ Vari ale ga veenti la, Agiripa ale Beniis yaa va chaab a jam ate nuruba nna yegayega a vi ba ŋaaŋ a te ba zula. Bala meena yaa va chaab ale tugurik tɔŋdɔma kpagi kpiemaŋa ale tɛŋka nisɔm kpientaŋa yaa maa jo dɔk kpioŋ kuui ate nuru boari a jo ku po a nye tuka la. Fesitos yaa weeni ate ba ta Pɔɔl a jo jam.

²⁴ Fesitos yaa weeni ayen, <

²⁵ Alege mi abe nya kama ale wari karo a magsi nuruwa kummoa. Alege wadek ale weeni ayen wa a yaali ayen wa cheŋ Naab Kpioŋku jigi la, ate mi yaa poli ayen m basi ate wa cheŋ Aroom.

²⁶ Alege mi potim ka wari ayen m ŋmarisi a magsi chaab ale wa a te Naab Kpioŋku. Dila nyiŋ ate m ta wa jam nama meena jigi a potim jam fi jigi Naab Agiripa ayen fi dan bek wa wanni a wom, abe mi yaa ta wari a ŋmarisi.

²⁷ Mi jigi, yam ka ku po ate m tom ligrɔ ale ge kan weeni ate ku a lagri dii dek chekki ate nuruba a weeni ayen wa kaasi la.>>