Tuima 21 - WEN GBAŊKA

¹ Ti ale ga banti ba nueri la, ti yaa jueli ŋaaruŋku a cheŋ yɔrr a jam paari Kosi tɛŋka. Vari ale veenti la, ti yaa paari Aroodisi tɛŋka a zaani dula a taam paari Pataara tɛŋka.

² Dula jigini, ti yaa nya ŋaaruŋ ale ku a cheŋ Fonisia tɛŋka. Ti yaa jueli ŋaaruŋ kula a maa va cheŋ.

³ Ŋaaruŋku yaa le paari jigi ate ti jam baga nya Saipurus tɛŋka la, a yaa dam va tɛŋ kala yeniŋ a juga geŋ a ga paari Siriya tɛŋka. Ti ale jam paari Taaya la, ti yaa siŋ dii nyiŋla ka dula jigini ate ŋaaruŋku nyama a jam a yaali ayen ba yeeri ba kɔlimaŋa.

⁴ Dula jigini, ti yaa gisi nya Kirisita bisa a goa dula ale ba ate ku paari daa ŋayopɔi. Wen Chiika yaa basi ate ba kaam Pɔɔl ayen wa kan cheŋ Jerusalem.

⁵ Ti ale jam boro ale ba ate ti danni jam paari ayen ti basi ba la, ti yaa banti ba ale ŋman lo ti chelimu po. Ti ale jam banti ba ale ge ayen ti cheŋ la, ba meena ale ba pooba ale ba bisa ale jam ta ti a nyini tɛŋka po a ta ti jam paari nyakpiemu nɔi. Dula jigini ti meena yaa maa chaab a kpi duna tɛŋ a puusi

⁶ ale ge banti chaab ate tama mɛ jueli ŋaaruŋku a cheŋ ale ge ate ba ŋman a kuli.

⁷ Ti yaa ŋman lo ti chelimu po a zaani Taaya a jueli ŋaaruŋ a cheŋ Tolomayas tɛŋka. Dula jigini ti yaa puusi Kirisita bisaŋa ale ge goa dai yeŋ.

⁸ Vari ale ga veenti la, ti yaa basi dula ale ŋman cheŋ Siizariya. Dula jigini, ti yaa jam boro ale Filip waai ale ka Naawen wieŋa moolidɔwa la. Wa jam ka bayopɔiwa po wanyi baai ate Kirisita bisaŋa a lueri ayen ba a nya ligraŋa zuk la.

⁹ Filip jam ta ka lieba banaansi. Ba waai an jam yali nyaya. Ba jam ka Wen biisiteerɔba.

¹⁰ Ti ale jam goa dula ate ku beni maga la, Wen biisiteerɔ wanyi yaa jam nyini Judia a jam tama jigi. Wa yuei ale Agabus.

¹¹ Wa yaa jam pai Pɔɔl chiak gbanni a bobi wadek naŋsa ale wa nisima ale weeni tama ayen, <>

¹² Ti ale wom nna la, tama ale mbala ale jam maa bo dula la, yaa maa chaab a saalim Pɔɔl ayen wa kan cheŋ Jerusalem.

¹³ Alege wa yaa tulisi ayen, <>

¹⁴ Ti an jam baga fɛ wa ate wa wari ya. Ti yaa pai dila basi ale weeni wa ayen, <>

¹⁵ Ti le jam goa dula jigini ate ku beni maga la, ti yaa ŋman gomsi ti kɔlimaŋa a magsi a yiti cheŋ Jerusalem.

¹⁶ Yeezu ŋaaŋviirɔma baai ale jam nyini Siizariya la gela yaa ta ti cheŋ nuru waai yenni ate ti jam a poli ayen ti goa la. Nuruwa yuei ale Minaason. Wa nyini ka Saipurus. A ta nyini diipo ate Kirisita bisaŋa ale a tu chaab la a piilim boro la ale nuruwa a chim ka Kirisita biik.

¹⁷ Ti ale jam paari Jerusalem la, ti suataŋa Kirisita bisaŋa a jam nye ti tia ka nalimnyiini ale suipeentik.

¹⁸ Vari ale veenti la Pɔɔl yaa maa va ti a cheŋ ayen wa nya Jeemsi. Kirisita bisaŋa ale a tu chaab la nisɔmma meena a jam maa boro kama.

¹⁹ Pɔɔl yaa puusi ba ale ge a tɔgi wari meena dinyi dinyi a sak ba Wen ale va wa tuimaŋa nyiŋ a tom dii a te baai ale kan daa Juuba jigi la.

²⁰ Ba ale wom wa a nueri la, ba meena yaa te Wen pimpauk. Ba yaa weeni ayen, <

²¹ Nuruba weeni ba kama ayen ka fi ale a sak Juuma meena baai ale bo tɛŋ sii ale kan daa Juuba tɛŋsa la, ayen ba kan a va Moosis Sinsaŋŋa abe ba kan a gebi ba bisaŋa yoaŋa yaase ba kan a va Juuma kisitaŋa.

²² Yɔgyɔgla de ti ale nye ka sɛ? Ku a fɛ kama ayen ba wom ayen fi jam ya.

²³ Tama ale a yaali ayen fi nye diila ale nna. Nuruba banaansi ale bo dela jigini a puulim ale Wen.

²⁴ Maa va ba a pai fidek a gum ba po a cheŋ a ga nye ba ale ba nye dii ate ba welema Wen jigi la. Tuni pami dii meena ate ba le tuni abe ba nya weleŋsaŋa dɛ la. Fi dan nye dila ba le nya suik a poni ba zuimaŋa yɔgla. Suik kula po, nuruba yaa le seba ayen wie ŋaai meena ate nuruba weeni a magsi chaab ale fi la, wensie fiik fiik la a ka ba biika po, alege ba le nya ayen fidek fi boka po, fi a va ka Moosis Sinsaŋŋa ale a weeni diila.

²⁵ Alege baai ale kan daa Juuba a yaa chim Kirisita bisa la, gbaŋ kaai ate tama ŋmarisi ayen fi ta ga te ba la, ti weeni ba kama ayen, ba kan a dɛ bɔgta ŋandiinta, ba kan a dɛ ziim ba a kan ŋɔbi jabuui ate ba an tɔgri la lammoa, abe ba kan a bobi nipok baai ale kan daa ba pooba la a goa.>>

²⁶ Vari ale veenti la, Pɔɔl yaa dɛ nuruma niŋ ate ba cheŋ a ga nye dii ale dii ale di basi ate ba chim cheri nuruba. Pɔɔl yaa jo Wen yenni po a weeni ku a le pai daa ŋaai ate cheri nyaka tigini de a nueri abe ku ge ate ba yaa nya suik ate ba nye kaabka a te ba wanyi wanyi la.

²⁷ Ku jam pai ka daa ŋayopɔi ate weleŋsa nyaka tigini de a taam. Alege ku ale jam tali maga ate ŋa nueri la, Juuma gela baai ale jam nyini Asia la yaa nya Pɔɔl Wen yenni po. Ba yaa choa nuru boanni meena a yik Pɔɔl ale pagrim,

²⁸ a yaa nuem ate ku a jueli ayen, <>

²⁹ Ba jam weeni kude kama dii nyiŋla, ba jam nya ka Torofimus waai ale nyini Efisos la ale wa va ka Pɔɔl a nyiem tɛŋka po ate ba yaa deri poli ayen da dii dai Pɔɔl a ta wa jam jo ka Wen yenni po.

³⁰ Nuruma meena Jerusalem po sue yaa jam puuri. Ba yaa gum chaab chali ga yik Pɔɔl a vuuri wa a ta nyini Wen yenni po a nyini ale lik di tuataŋa.

³¹ Ba ale jam boro a poli ayen ba ko Pɔɔl la, tuntomiŋ yaa jam paari Aroom tɛŋka tugurik tɔŋdɔma kpagi kpienni ayen wa nya Jerusalem tɛŋka meena demma boro a nye ka kpaliŋ nna ŋaglam.

³² Kpagi kpienni yaa deri yik kpaga fiisaŋa gela ale tugurik tɔŋdɔba ate ba yaa chali siŋ nuru boanni jigi. Nuru boanni ale nya wa ale tugurik tɔŋdɔma la, ba yaa basi Pɔɔl nagta.

³³ Kpagi kpienni yaa taam cheŋ Pɔɔl jigi a yik wa ale pagrim a yaa weeni ayen tugurik tɔŋdɔma pai chɔrima ŋaye a bobi wa. Wa yaa bek ayen, <>

³⁴ Nuru boanni yaa deri a nuem ate ku a jueli. Ba gela a nuem a weeni wari di choa, ba gela mɛ a nuem a weeni di choa. Juuma yaa nye nna ŋaglam ate kpagi kpienni an jam baga miŋ wari dii ate Pɔɔl nye la. Wa yaa weeni wa tugurik tɔŋdɔma ayen ba ta Pɔɔl cheŋ juijui ate tugurik tɔŋdɔma boro la.

³⁵ Ba ale jam ta wa a jueli dɔkku tiilaŋa zuk la, nuru boanni sue yaa ŋman ŋmasi jam a puuri nna yegayega. Dila nyiŋ ku yaa jam fɛ tugurik tɔŋdɔma ate ba koati Pɔɔl a ji.

³⁶ Nuru boanni a kasim jam a vi wa kama ale a kaari a weeni ayen, <>

³⁷ Tugurik tɔŋdɔma ale jam tali maga ate ba ta wa jo yenni po la, Pɔɔl yaa weeni kpagi kpienni ayen, <> Kpagni yaa bek wa ayen, <

³⁸ Mi poli ayen fi ka Ejipiti denɔ waai dipo ale jam nye kpaliŋka ale tɛŋka nyɔnɔwa ate ku an diem beni la, a ta nuru koorisa tusa ŋanaansi (4,000) a nyini sagni po a nyini la?>>

³⁹ Pɔɔl yaa tulisi wa ayen, <>

⁴⁰ Kpagi kpienni yaa te wa suik ate Pɔɔl yaa zaani tiini zuk a zak nisima ayen nuruma goori ate wa biisi. Ba ale ga goori la, Pɔɔl yaa pai Juuma biika Yiburu a biisi ale ba.