Tuima 18 - WEN GBAŊKA

¹ Kude ŋaaŋnyiŋ Pɔɔl yaa basi Atens tɛŋka ale cheŋ Korinti tɛŋka.

² Dula jigini wa yaa nya Juu wanyi. Wa yuei ale Akiila. Wa nyini ka Pontus ale bo Itali tɛŋka po la ale wa powa Pirisila. Dii nyiŋ la Kilɔdiyus a jam weeni Juuma meena kama ayen ba basi Aroom tɛŋka ate wa yaa cheŋ wa nya ba.

³ Wa jam a goa ale ka bala ale a tom ale ba dii nyiŋla Pɔɔl jam a baali ka duŋsa gbaŋsa a da ase Akiila ale wa powa ale jam a nye diila.

⁴ Juuma Vuusum Daaŋa meena wa nyiem a nak ka nanpaga ale ba, ba tuka yenni po ayen wa tagri Juuma ale baai ale kan daa Juuba la.

⁵ Silas ale Timoti ale nyini Masidoniya a jam la, ba jam a paari ale Pɔɔl yaa kasim jam pai ka daaŋa meena wa boka po a kasim a sak Juuma Wen wamaŋsaŋa a biisi ate ku a lagri ayen Yeezu ale Kirisitawa.

⁶ Ase ba le jam zɛri wa ale a weeni dii la, wa yaa kpaanti wa gattaŋa ale weeni ba ayen, <>

⁷ Pɔɔl yaa basi ba ale cheŋ nuru wanyi yeri. Wa yuei ale Titus Jasitus. Wa jam ka Wen puusirɔ. Wa yenni jam za moata ka Juuma tuka yenni.

⁸ Wen yenni kpagni Kirisipus a jam ta siaka ale Naawen kama ale wa dɔkdemma meena. Korinti demma ale jam wom Pɔɔl la a jam ta siaka kama a tuesi soka.

⁹ Yɔkku po, Naawen yaa weeni Pɔɔl goadaasini po ayen, <

¹⁰ Mi bo ale fu kama waai an baga nye fu wari ya dii nyiŋla m nuruma yega a bo tɛŋ kpieŋka de po kama.>>

¹¹ Pɔɔl jam bo dula jigini ate ku paari ka bein ale geli a sak nuruma Wen wanni.

¹² Galiyo ale jaa nya Akaaya tɛŋka zuk diipo la, Juuma yaa jam nye nɔiyeŋ a siti Pɔɔl a ta wa jam buusa boka dɔkku.

¹³ Ba jam a weeni kama ayen, <>

¹⁴ Pɔɔl ale deri lak nɔi ayen wa biisi a vari wadek basi la, Galiyo yaa weeni Juuma ayen, <

¹⁵ alege ku ka wa dii ale ka nanpaga wari a magsi chaab ale wie ŋaai ate ni pai a biisi la, ale nuruba yue la, ale sinsak ŋaai ate nama nyiini a va la, ku a fɛ kama ayen nidek abe biisi a magsi chaab. Mi kan chim wieŋa de chaab boteerɔ.>>

¹⁶ Wa yaa yiak ba ate ba nyini buusa dɔkku po a nyini.

¹⁷ Ba meena yaa yik Sositenisi waai ale jam ka tuka dɔkku kpagni la a zaani buusa dɔkku niŋ a nak. Alege dila an jam daani Galiyo ale maga mɛ.

¹⁸ Pɔɔl jam bo Korinti tɛŋka ale Kirisita bisaŋa ate ku beni kama. Dai yeŋ wa ale Pirisila ale wa chorɔwa Akiila a yaa banti ba ale ge jueli ŋaaruŋ a cheŋ Siriya. Ba ale jam zaani Kenkrea ayen wa jueli ŋaaruŋku a cheŋ la, Pɔɔl jam poni wa zukku kama, dii nyiŋla wa puulim kama a magsi chaab ale dila.

¹⁹ Ba ale jam paari Efisos tɛŋka la, wa yaa basi Pirisila ale Akiila dula jigini. Pɔɔl yaa biisi biik ale Juuma ba tuka yenni po.

²⁰ Ba yaa weeni wa ayen wa goa maga ale ba alege Pɔɔl zɛri

²¹ alege weeni ba ayen, <> Pɔɔl weeni dila ale jueli ŋaaruŋ a zaani Efisos a cheŋ.

²² Wa ale jam paari Siizariya la, wa yaa cheŋ Jerusalem a ga puusi Kirisita bisaŋa ale a tu chaab dula jigini la ale ge a yaa cheŋ Antiok.

²³ Wa ale beni maga dula jigini la, wa yaa basi dula, ale va Galatia ale Firijiya tɛŋsaŋa po a deŋsi Kirisita bisaŋa kpa.

²⁴ Juu wanyi ate ba a wi ayen Apolos ate ba biak wa Alezandiria la, yaa jam Efisos. Wa jam ka waai ale baga a biisi nna yegayega ale seba Wen Gbaŋka wieŋa nna yegayega mɛ.

²⁵ Nuruba ale poom liŋ jam sak wa Naawen suiku wieŋa nna yegayega ate wa a biisi ale a sak ale nin muna a va suiku nalimnyiini wensie ŋaai ale a magsi chaab ale Yeezu la. Alege soka kaai nyiini ate wa jam seba la ale soka kaai ate Jɔɔn te la.

²⁶ Wa yaa piilim a biisi nyaŋa de meena ba tuka yenni po ale kan chali yɔgsum. Alege Pirisila ale Akiila ale wom biika la, ba yaa yik wa a tɔgi Wen suiku meena wieŋa ate ŋa lagri a te wa nalimnyiini.

²⁷ Apolos yaa poli ayen wa jueli ŋaaruŋ a cheŋ Akaaya tɛŋka. Kirisita bisaŋa ale jam bo Efisos la a yaa deŋsi wa kpai a ŋmarisi gbaŋ a te Akaaya Kirisita bisaŋa a saalim ba ayen ba tuesi wa nalimnyiini. Wa ale jam paari du la, wa jam maa maari baai meena ale va Wen ŋmanteka nyiŋ a chim Kirisita bisa la.

²⁸ Wa jam a nak ka nanpaga ale Juuma nna pagrik pagriga nuruma meena niŋ, a basi ate ba miŋ chak a nyini Wen wieŋa po ayen Yeezu ale Kirisitawa.