Tuima 15 - WEN GBAŊKA

¹ Nuruba ale jam nyini Judia a jam Antiok tɛŋka a deri piilim a sak baai ale ta siaka ale Yeezu la sinsaga ayen, <>

² Dila nyiŋla Pɔɔl ale Banabas yaa jam ta nanpaga nna yegayega ale ba. Baai ale ta siaka la yaa lueri Pɔɔl ale Banabas ale baai ale ta siaka la gela a bo Antiok la ayen ba cheŋ Jerusalem a ga nya tuimtomdɔma ale kpaŋŋa wanni de zuk.

³ Kirisita bisaŋa ale a tu chaab la yaa basi ba suiku po ayen ba cheŋ. Ba ale jam va Fonisia ale Samaria tɛŋsaŋa po a cheŋ la, ba yaa va ba Kirisita bi chaama ale bo dula la jigi, a weeni sak ba ayen nuru baai ale kan daa Juuba la a tagri va Wen. Wa paalaŋa de ate ba weeni a sak ba la yaa ta masim ale suipeentik a jam ba meena jigi.

⁴ Ba ale jam paari Jerusalem la, Kirisita bisaŋa ale a tu chaab la ale ba kpaŋŋa ale tuimtomdɔma a jam maa chaab a nye ba tia kama ate ba weeni a sak ba meena Wen ale pai ba a tom tuima diila.

⁵ Baai ale ta siaka la, baai ale ka Farisiima po nuruba la, yaa yiti zaani ŋmai a weeni ayen, <>

⁶ Tuimtomdɔma ale nisɔmma yaa tu chaab ayen ba biisi wanni de.

⁷ Ba ale nak nanpaga di nyiŋ ate ku beni la, Piita yaa zaani a biisi ayen, <

⁸ Wen dii abe ale seba nurubiik meena popola ale ka diila, a te Wen Chiika baai ale kan daa Juuba la kama ase wa ale te tama mɛ diila ayen ku sak ayen wa ta yaalika ale ba kama ase wa ale ta yaalika ale tama mɛ diila.

⁹ Wa be nye ba jigi kama ase wa ale a nye, tama jigi dii mɛ la. Suik kula po, wa va ka ba siaka ale wa a yaa sugri ba wabaataŋa ba suiniima po a basi.

¹⁰ Yɔgyɔgla de, ka boa ale soa ate nama a yaali ayen ni pai jib kpiemu de buui ate ti kokpieŋsaŋa a yaase tama dek an baga ji bu la ayen ŋaaŋviirɔma ji? Ni dan a nye nna, ni a nye ka Wen a nya.

¹¹ Alege tama seba a chak kama ayen tama ale va ti Nyɔnɔwa Yeezu ŋmanteka nyiŋ a nya varibasika ase bala mɛ ale nya diila.>>

¹² Ba meena tuka po a kasim jam goori ka nna chorototo, ale a wom Pɔɔl ale Banabas ale jam a weeni Wen ale pai ba a tom wakperikaliisa ale baai ale kan daa Juuba po diila.

¹³ Ba ale ga biisi nueri la, Jeemsi yaa tulisi ayen, <

¹⁴ Ni wom Simon Piita ale tɔk Wen ale liŋ nye dii a sak baai ale kan daa Juuba la a yaa piilim lueri ba wa yuenni nyiŋ dii la.

¹⁵ Biisiteerɔma ale biisi dii la a cheŋ ale kude kama, ase ku le ŋmarisi ayen,

¹⁶

¹⁷ Ate nurubiik meena ale gisi Naawen. Baai meena ale kan daa Juuba ate mi wi ba ayen m nuruba la. (Amos 9:11-12)

¹⁸ Naawen ale weeni, waai ale nye nyaŋa de ate ni seba a ta nyini dipo la.> >>

¹⁹ Jeemsi yaa ŋman biisi a cheŋ a weeni ayen, <

²⁰ Ku magsi ka ti ŋmarisi gbaŋ a te ba ayen, ba kan dɛ bɔgta ŋandiinta dii nyiŋla, ŋandiin tila an welema. Ti weeni ba mɛ ayen ba kan bobi nipok baai ale kan daa ba pooba la a goa, abe ba kan a ŋɔbi jabuui ate ba an tɔgri la lammoa abe ba kan a dɛ ziimoa.

²¹ Baai ale kan daa Juuba la, le deri siak nyaŋa de kama, boan nyiŋŋa ba seba kama ayen Juuma baai ale bo juijui meena ale ba la, ba sak Moosis Sinsaŋŋa de kama ate ku beni yegayega. Ba be wom ale karim ŋa kama ba tuka diinaŋa po ba Vuusum Daaŋa meena po.>>

²² Tuimtomdɔma ale niŋdeerɔma ale Kirisita bisaŋa ale a tu chaab la yaa a poli ayen ku nala kama ate ba lueri nuruba a ta nyini ba po a tom ba ale Pɔɔl ale Banabas ate ba cheŋ Antiok. Ba yaa lueri nuruba baye baai ale ta siaka la a te ba zula nalimnyiini la. Nuruba bayewa ale Judas waai mɛ ate ba a wi wa ayen Baasabas la, ale Silas. Ba yaa tom ba ayen ba ta gbaŋka a cheŋ.

²³ Ba ale jam ŋmarisi gbaŋka a weeni diila ale nna ayen, <

²⁴ <

²⁵ Dila nyiŋ ate tama meena a nye tuka a yaa poli ate ti yaa siak a lueri nuruba ayen ba va Pɔɔl ale Banabas ti sua tii ate ti mariŋ la a jam ni jigi.

²⁶ Pɔɔl ale Banabas ka nuru baai ale pai ba nyuvoa a da ti Nyɔnɔwa Yeezu Kirisita nyiŋla.

²⁷ Dila nyiŋ ate ti yaa tom Judas ale Silas ni jigi. Ba ale poom weeni a sak ni dii meena wuu ate ti ŋmarisi gbaŋka de po la.

²⁸ <

²⁹ Wieŋa de ale, Ni kan a dɛ bɔgta ŋandiinta, ni kan a dɛ ziimoa, ni kan a ŋɔbi jabuui ate ba an tɔgri la lammoa, ni kan a bobi nipok baai ale kan daa ni pooba la a goa. Ku a le nala kama ase ni nin kaa nye wieŋa de. <>

³⁰ Ba yaa basi Jerusalem ale cheŋ Antiok, a tigsi baai ale ta siaka la a te ba gbaŋka.

³¹ Ba ale ga karim ka la, gbaŋka wieŋa yaa ta suipeentik a jam ba jigi.

³² Judas ale Silas dek ale jam ka biisiteerɔba la, ba yaa deŋsi ba kpa ale wie yega ayen ba nya pagrim.

³³ Ba ale ga daliŋ maga dega la, Antiok demma yaa te Judas ale Silas suik ale suiyɔgni ate ba pilim cheŋ baai ale tom ba la jigi.

³⁴ Alege Silas jam nya kama ayen ku nala kama ate wa wari dula.

³⁵ Alege Pɔɔl ale Banabas a jam wari ka Antiok, a sak ale a mooli ale nuruba ba chaab mɛ, Naawen wanni.

³⁶ Ku ale ga beni maga dega la, Pɔɔl yaa weeni Banabas ayen, <>

³⁷ Banabas a jam a yaali kama ayen Jɔɔn Maak a maa va ba a cheŋ.

³⁸ Alege Pɔɔl an jam poli ayen ku magsi ayen Jɔɔn Maak a maa va cheŋ dii nyiŋla wa an jam maa boro ale ba ate ku ga paari ba tuini kpeglimka. Wa jam zaani ka Pamfiliya tɛŋka a basi ba.

³⁹ Nanpaga yaa deri jam ba suŋsuŋ ate ba poori chaab. Banabas yaa yik Maak ate ba jueli ŋaaruŋ a cheŋ Saipurus tɛŋka

⁴⁰ alege Pɔɔl a jam lueri ka Silas ate ba cheŋ. Siarɔma ale bo Antiok la yaa pai Pɔɔl a nyo Naawen ŋmanteka po,

⁴¹ ate ba cheŋ Siriya ale Silisiya tɛŋsaŋa a ga a deŋsi Kirisita bisaŋa ale a tu chaab la kpa dula a te ba pagrim.