Tuima 11 - WEN GBAŊKA

¹ Tuimtomdɔma ale ba suataŋa ale bo Judia la a wom ayen baai ale kan daa Juuba la mɛ a siak a te Wen Wanni kama.

² Piita ale ŋman pilim cheŋ Jerusalem tɛŋka la, Juuma yaa ŋma wa ayen,

³ <>

⁴ Piita yaa piilim a tɔk dii meena ale nye la ayen,

⁵ <

⁶ Mi yaa ŋmasi nya jaamu po nalimnyiini a yaa nya ale yeri duŋsa ale gɔi duŋsa ale ŋan baai meena ale a cheŋ ba lɔga nyiŋsa, ale nuinsa.

⁷ Mi yaa wom ale lueluk a weeni mi ayen,

⁸ Mi yaa tulisi ayen,

⁹ Alege lueluku a nyini wenŋmazuk a weeni mi a nye buye ayen,

¹⁰ Nya kude a jam nye ka buta ale ge ate gattiaka a yaa ŋman yiri jueli wenŋmazuk.

¹¹ Diipo ate jaamu a yiri a jueli la, nidoaba bata yaa nyini Siizariya tɛŋka a jam yenni, diipo ate mi jam boro la a weeni mu ayen ba nyɔnɔwa ale bo Siizariya la ale tom ba mi jigi.

¹² Wen Chiika yaa weeni mi ayen m yiti a cheŋ abe m kan basi ate ku daani mu. M suataŋa bayuebiwa de abe maa va ka mi a nyini Jopa a jam ate ti meena a yaa jo Koniilos yenni po.

¹³ Wa yaa weeni a sak ti wa ale nya Wen maarɔ wa yenni po ate wa weeni wa ayen,

¹⁴ Wa ale biisi wie ale fu ate fi ale fi dɔkdemma meena a nya varibasika.>

¹⁵ Mi Piita ale jam piilim boro a biisi ale ba la, Wen Chiika a deri siŋ jam ba suiniima po ase wa ale jan jam tama jigi piilimka po diila.

¹⁶ Ate mi yaa teeri ti Nyɔnɔwa Yeezu Kirisita ale jam weeni dii ayen,

¹⁷ Wen abe jam pai ka tiirim bula a te ba ase wa ale jam pai bula dekdega a te tama diipo ate tama a jam siak a te ti Nyɔnɔwa Yeezu Kirisita la. Wen abe dan nye dila mi ka wana ate mi baga a weeni Wen ayen wa kan nye dila?>>

¹⁸ Ba ale ga wom nna la, ba yaa nye diki ale te Wen pimpauk ayen, <>

¹⁹ Diipo ate ba jam ko Sitiven ate ninam a jan jam baai ale ta siaka jigi la, ba jam chali waaŋ ka chaab. Dila powa, ba gela a jam chali cheŋ Fonisia ale Saipurus ale Antiok tɛŋsaŋa a sak Juuma nyiini Wen wamaŋsaŋa.

²⁰ Ba gela mɛ a jam ka nidoaba a nyini Saipurus ale Sairini tɛŋsaŋa a cheŋ Antiok tɛŋka. Ba ale ga paari dula la, ba yaa sak baai ale kan daa Juuba la mɛ. Ba jam sak ba ka Wen wamaŋsaŋa a magsi chaab ale ti Nyɔnɔwa Yeezu Kirisita.

²¹ Ti Nyɔnɔwa pagrimu a jam bo ale ba kama ate nuru boari a jam ta siaka ale sinsaŋŋa a tagri badek a va ti Nyɔnɔwa.

²² Kirisita bisaŋa ale a tu chaab Jerusalem tɛŋka po la ale ga wom nna la, ba yaa tom Banabas ayen wa cheŋ Antiok tɛŋka a ga nya.

²³ Wa le jan jam a nya Wen ŋmanteka la, wa sui yaa peenti. Wa yaa te ba meena nyiŋbiiri ayen ba kasim ta wensie ale ti Nyɔnɔwa ale popola yena,

²⁴ dii la wa jam ka nuru maŋ ate Wen Chiika a sueri wa ate wa ta siaka. Ate nuruba yega a gum ti Nyɔnɔwa nuruma po.

²⁵ Banabas yaa cheŋ Taasus tɛŋka ayen wa gisi Sɔɔl.

²⁶ Wa ale ga nya wa la, wa yaa yik wa a ta cheŋ Antiok. Ba nɔi bayewa a jam bo ka dula ale Kirisita bisaŋa ale a tu chaab la ate ku ga paari bein. Ba jam a sak ka nuru boari. Ku jam ka Antiok tɛŋka de po ate nuruba piilim te baai ale ta siaka ale Yeezu la, yuei ayen Kirisita Bisa.

²⁷ Dila powa, Wen biisiteerɔba gela yaa jam nyini Jerusalem tɛŋka a cheŋ Antiok tɛŋka.

²⁸ Biisiteerɔma de wanyi yuei a jam ale Agabus. Wala yaa yiti zaani ale Wen Chiika pagrimu a ayen kom pagrik ale za bu jam tɛŋzuk de meena. Kommu a sum jan jam kama diipo ate naab kpioŋku Kilɔdiyus a jam boro la.

²⁹ Ŋaaŋviirɔma yaa jam maa chaab a poli waai meena wanyi wanyi ale baga a te ligra dii ate ba pai ŋa a maari ba sua tintila baai mɛ ale ta siaka a bo Judia tɛŋka po la.

³⁰ Ba yaa cheesi ba ligraŋa a pai ŋa a te Banabas ale Sɔɔl ate ba ta ŋa a ga te Kirisita bisaŋa ale a tu chaab la nisɔmma dula jigini.