Tuima 10 - WEN GBAŊKA

¹ Nuru ale jam bo Siizariya tɛŋka. Wa yuei jam ale Koniilos. Wa jam ka Aroom tugurik tɔŋdɔma beŋ kanyi kpaŋŋa po wanyi. Beŋ kala yuei jam ale, <>

² Wa jam a yaali ka Wen Suiku wie nna yegayega. Wa ale wa dɔkdemma meena a kasim jam a chali wen kama ale a te ŋanjaksa tiirita nalimnyiini, ale a puusi Wen daa meena.

³ Baŋ buta wenbalinni wa yaa nya nna cheri gɔdaasini po ale Wen maarɔ a siŋ cheena ale a weeni wa ayen, <>

⁴ Ate Koniilos yaa nya maarɔwa ale yɔgsum ale bek Maarɔwa ayen, <> Maarɔwa yaa weeni wa ayen, <

⁵ Yɔgyɔgla de, be tom nidoaba ate ba cheŋ Jopa a ga ta nuru wanyi ate ba a wi ayen Simon Piita a jam.

⁶ Wa a goa ale ka gbanzaba wanyi ate ba a wi ayen Simon. Wa yenni za ka nyakpiemu nɔi.>>

⁷ Maarɔwa ale ga biisi ale wa a nueri ale cheŋ la, Koniilos yaa wi wa tomteerɔma po baye ale tugurik tɔŋdɔba wanyi waai ale kasim jam a yaali Wen Suiku wie mɛ la. Wa jam ka waai ale kasim jam moata wa nalimnyiini a tom a te wa la.

⁸ Koniilos yaa weeni dii meena ale nye la a sak ba ale ge a tom ba ayen ba cheŋ Jopa.

⁹ Vari ale veenti ate ba bo suiku po a cheŋ moata tɛŋ kaai ate ba a cheŋ la, Piita yaa jam jueli gboŋ zuk kantueŋ suŋsuŋ ayen wa puusi. Baŋ pi ale buye ale la.

¹⁰ Kom yaa jam yik wa ate wa yaali ŋandiinta ayen wa dɛ. Ba ale jam diem boro a dik ŋandiintaŋa la, ku yaa nye wa jigi nna ase wa goa a daasim la,

¹¹ a nya ale wenŋmazukku a lagri ate jaab nyini gugotta tinaansiwa meena po a cheena tɛŋzuk de.

¹² Jaamu po duŋsa nna tɔgatɔga ale jam boro, sii ale a cheŋ si lɔga nyiŋ ale ŋan yirinta.

¹³ Lueluk yaa weeni wa ayen, <>

¹⁴ Alege Piita yaa tulisi ayen, <>

¹⁵ Lueluku a ŋman pilim jam wa jigi a nye buye a weeni wa ayen, <>

¹⁶ Nya kude a jam nye ka buta ale ge ate jaamu a ŋman yiti jueli wenŋmazuk.

¹⁷ Piita ale jam boro a poli wanni de kiri ale ka diila, nuru baai ate Koniilos a jam tom ba la a yaa bek Simon Yenni jigi a jam za tuoku nɔi

¹⁸ a yaa wi a bek ayen, <>

¹⁹ Ase Piita ale diem boro a poli wanni kiri ale ka diila, Wen Chiika yaa weeni wa ayen, <

²⁰ Yiti siŋ tɛŋ a va ba a cheŋ. Kan basi ate ku daani fu dii nyiŋla, ka mi ale tom ba fi jigi.>>

²¹ Piita yaa yiti siŋ ba jigi a weeni ba ayen, <>

²² Ba yaa tulisi wa ayen, <>

²³ Piita yaa wi ba ate ba jo goa yok kula. Vari ale ga veenti la wa yaa maa va ba a cheŋ. Jopa demma gela baai ale ta siaka maara la a jam maa va ba a cheŋ.

²⁴ Dai dii ale pai a saŋ la, ba yaa cheŋ paari Siizariya tɛŋka, juijui ate Koniilos ale wa mabisa ale wa doa baai ate wa jam wi ba ayen ba jam la. Ba meena a jam kala a limisi Piita kama.

²⁵ Piita ale jam paari Koniilos Yenni ayen wa jo la, Koniilos ale nya wa la, wa yaa kpi duna tɛŋ Piita niŋ, a puusi wa.

²⁶ Alege Piita yaa zak wa a zaani a weeni wa ayen, <>

²⁷ Ba jam biisi kama ale chaab ale ge a jo yenni po. Ba ale ga jo nueri la, Piita yaa nya ale nuruba yegayega a tigsi chaab a kala.

²⁸ Piita yaa weeni ba ayen, <

²⁹ Dila nyiŋ fi ale tom a wi mu la, mi an zɛri ya. Yɔgyɔgla, be ka boan nyiŋ ate fi tom wi mu?>>

³⁰ Koniilos yaa tulisi wa ayen, <

³¹ Wa yaa weeni mi ayen,

³² Tom nuru ate wa cheŋ Jopa tɛŋka a ga wi Simon waai ate ba a wi wa ayen Piita la. Wa bo ka Simon gbanzabawa yenni. Wa yenni moata ka nyakpiemu nɔi.>

³³ Dila nyiŋ ate m tom wi fu nna nwuli ate fi zuli mu a jam. Yɔgyɔgla de ti meena abe kala ka Wen niŋ, ayen ti wom ti Naawenni ale weeni fu dii ayen fi weeni a sak ti la.>>

³⁴ Piita yaa piilim biik a weeni ayen, <

³⁵ Alege tɛŋsa meena po waai daa chali wa ale a tom dii ale nala a te wa, Wen a yaali wa kama.

³⁶ Nama seba wanni ate Wen a tom te Izirali demma la ale wamaŋ paalisaŋa, ayen suiyɔgni a va ka Yeezu Kirisita nyiŋ a jam. Yeezu ka nuruba meena Naawen.

³⁷ Nama seba dii ale nye Judia tɛŋka po meena la kama, ku piilim ka Galili Jɔɔn ale jam mooli wie a te nuruma la ŋaaŋnyiŋ.

³⁸ Nama a seba Yeezu Nazaret denɔwa wie kama ayen Wen a te wa Chiika pagrimu kama. Ni seba dii ate Yeezu a jam cheŋ jigi meena a nye wamaŋsa ale a tebi baai ate chichirik baata meena a jam bo ba po la, dii la Wen ale jam bo ale wa.

³⁹ Mi ale m vaanchaama abe nya wieŋa de meena ate wa nye Juuma tɛŋka ale Jerusalem dek ate ti weeni a sak ni. Nuruba ale yik wa a kpi jabarim nyiŋ a ko wa.

⁴⁰ Alege Wen a nak wa yiti kama daa ŋata dai ate ti nya wa,

⁴¹ daa nuru meena ale nya wa, ka tama baai ate Wen a lueri ase seerɔba la, baai ale dɛ ale nyu ale wa, wa le yiti kum po la ŋaaŋnyiŋ.

⁴² Wa yaa weeni ti ayen, ti mooli a te nuruba abe ti weeni a sak ba ayen ka wa ate Wen lueri ate chim boteerɔ a te ŋanvuta ale kpieba.

⁴³ Naawen biisiteerɔma meena a biisi wa wari kama ayen waai a dan ta siak ale wa, kula nyɔnɔwa le va wa yuenni pagrim nyiŋ a nya wa wabaataŋa vɔŋteka.>>

⁴⁴ Piita ale diem jam boro a biisi la, Wen Chiika yaa siŋ jam baai meena ale jam a wom wa biika la suiniima po.

⁴⁵ Juuma baai ale jam ta siaka a jam maa va Piita a nyini Jopa tɛŋka a jam la, ku yaa jam cha ba ate ba nya ale Wen te baai ale kan daa Juuma la Wen Chiika mɛ.

⁴⁶ Dii nyiŋla, ba jam wom kama ale ba a biisi bi chaŋsa a pak Wen ale wa ale nye ŋaai meena la. Piita yaa ŋman biisi ayen,

⁴⁷ <>

⁴⁸ Wa weeni ayen ba tuesi soka Yeezu Kirisita yuenni nyiŋ. Piita ale ga biisi nueri la, ba yaa saalim wa ayen wa goa ale ba daa maga abe wa kuli.