Tuima 1 - WEN GBAŊKA

¹ Mi ale liŋ ŋmarisi gbaŋ kaai a te Teofilos la, a weeni ka Yeezu ale jam piilim nye dii ale sak dii la,

² a ta ga paari dai dii danni ate wa jueli wenŋmazuk la. Ale ge ate kude nye la, Wen Chiika a jam maari wa kama ate wa weeni wa tomteerɔma ayen mi lueri ni kama ni ale ni nye diila.

³ Wa ale kpi la, ŋaaŋnyiŋ ku ale jam paari daa pisinaansi la, wa yaa pai wadek a sak ba ate ku paari dii choa ayen ku sak ayen wa vua kama. Wa yaa sak ba Wen naamu wie.

⁴ Wa ale jam boro ale ba la, Yeezu yaa weeni ba ayen, <

⁵ Jɔɔn a te ni soka ale ka nyiam, alege ku kan beni ate Wen pai wa Chiika ase soka la a sueri ni suiniimaŋa.>>

⁶ Ba ale jam jigi yeŋ la ba yaa bek wa ayen, <>

⁷ Wa yaa tulisi ba ayen, <

⁸ Alege ni le nya pagrim ase Wen Chiika a nin jam ni jigi, ate nama ale chim m seerɔba Jerusalem ale Judia ale Samaria tɛŋsaŋa po ale tɛŋzuk de meena kpeglimka jigi.>>

⁹ Yeezu ale biisi a nueri la, Wen yaa pai wa a ta jueli wenŋmazuk. Ba yaa za a nya wa ale a jueli la, ate chiŋmari a jam lik wa ta jueli ate ba an ŋman nya wa.

¹⁰ Ba ale za a nya la, nuruba baye a deri jam a za ba niŋ. Ba jam jo ka garuk peeta,

¹¹ a yaa weeni ba ayen, <>

¹² Tuimtomdɔma yaa nyini guuk kuui ate ba a wi ayen Olivi Guuk la zuk a siŋ, a cheŋ Jerusalem tɛŋka. Ku jam yalima ase ka mɛɛli geli la ale Jerusalem.

¹³ Ba ale jam paari la, ba yaa ga jueli kiani dɔkku po ate ba poom liŋ boro la. Ba jam ka Piita ale Jɔɔn ale Jeemsi ale Andiru ale Filip ale Tomasi ale Batolomiu ale Matiu ale Alfiyus nidoabinni Jeemsi, ale Simon waai nyiŋka ale jam a zeenti la ale Jeemsi nidoabinni Judas.

¹⁴ Nyaba de meena ale nipooma ale Yeezu mawa Mɛɛri ale Yeezu suataŋa a kasim jam wari ka Wen puusika ale popola yena.

¹⁵ Va ŋala po Piita yaa yiti zaani ayen wa biisi, nuruma meena jam paari ka nuruba kook ale pisiye. Piita yaa weeni ayen,

¹⁶ <

¹⁷ Wa jam ka ti po wanyi, wa mɛ a jam ta wa tuini kama a tom.>>

¹⁸ Judas ale jam nye biem a nya ligni la, wa da ka talim. Alege wa jam lo kama a na ate wa nyuetaŋa a nyini ate wa kpi.

¹⁹ Waai meena Jerusalem tɛŋka po a jam wom wanni de kama ate ba yaa jam a wi talim bula ayen Akeldama. Ku kiri ale Ziimu tɛŋka.

²⁰ < (Yiila 109:8)

²¹ <

²² a piilim Jɔɔn Soka teka daaŋa a ta jam paari diipo ate Wen a pai Yeezu a ta jueli la. Bade wanyi ale wa chim seerɔ ale tama wa ale yiti kum po la.>>

²³ Ba yaa lueri nuruba baye, Wanyiwa yuei jam le Josefi ate ba a wi ayen Baasabas la. Ba jam a wi wa mɛ ayen ka Jasitus. Wa choawa mɛ ale Matayas.

²⁴ Ba yaa puusi ayen, <

²⁵ ayen wa tagri tuimtomdɔwa Judas tuim ŋaai ate wa basi ale cheŋ wadek jigini la.>>

²⁶ Ba yaa nak gbaŋ ayen ba lueri nuru wala ate gbaŋka a yaa lueri Matayas ate ba yaa pai wa a gum tuimtomdɔba pi ale wanyiwa po.