Teerika 5 - WEN GBAŊKA

¹ Moosis a tigsi Izirali demma meena a weeni ba ayen. Izirali demma, ni wom sinsaŋŋa ale wieŋa ate mi a weeni jinla de la. Ni zamsi ŋa abe ni seba a chak ayen ni va ŋa kama.

² Naawen dii ale ka ti Wen la a jam nye ka nɔiyeŋ ale ti Yoreb guuku.

³ Ku be daa ti koma ate Naawen a jam nye nɔiyeŋka ale ba alege ka tama, baai meena ale vua a bo dela jinla de la.

⁴ Naawen a jam biisi bolimu po ale ni ka nidek nimbie po guuku zuk.

⁵ Diipo ate mi a jam zaani Naawen ale nama suŋsuŋ a pai wa wanni a te ni la dii nyiŋla ni jam yɔgsa kama ale bolimu ate ni an jueli guuku zuwa. Ate wa yaa weeni ayen.

⁶ <

⁷ <

⁸ <

⁹ <

¹⁰ Alege a sak ŋmanteka ale gaŋ sii ale saari tusidi a yaali mi ale ŋman ta m wieŋa la.

¹¹ <

¹² Kpesi Vuusum Danni abe fi basi ate di ta tuilum, ase Naawen dii ale ka fi Wen la ale weeni diila.

¹³ Daa ŋayuebi fi pai tom fi tuimaŋa meena,

¹⁴ alege daa ŋayopɔiwa danni ka Vuusum dai a te Naawen dii ale ka fi Wen la. Dai dila danni kan tom tuin yoŋŋoa. Fi dek kan tom yaase fi nidoabili yaase fi lie yaase tomteerɔ yaase dɔklie yaase fi lalik yaase boniŋ yaase fi duŋsaŋa kaai yaase nichaanɔ ale bo ale fi la. Dila ale ku basi ate fi tomteerɔwa ale dɔkliewa a vuusi ase fi la.

¹⁵ Fi abe a teeri ayen fi jam ka yɔma a bo Ejipiti po ate Naawen dii ale ka fi Wen la a ta fi nyini ale wa nisima pagrim. Dila nyiŋla Naawen dii ale ka fi Wen la a weeni kama ayen fi a kpesi Vuusum Danni.

¹⁶ <

17 Kan ko nuru.

¹⁸ Kan nye kaboŋŋa.

¹⁹ Kan zu.

²⁰ Kan chim venta seerɔ a velim te fi vaanchoa.

²¹ Kan ta kɔrisa ale fi vaanchoa powa, be kan ta kɔrisa ale fi vaanchoa yeri ya, yaase wa tɛŋŋa yaase wa tomteerɔ yaase wa dɔklie yaase wa lalik yaase wa boniŋa yaase jaabuuri meena ate fi vaanchoa a ta la.

²² Sinsaŋŋa de ate Naawen weeni ale lueluk kpioŋ a nyini bolimu po ate tigsuŋku meena ale jam bo guuku zuk la a nyini chiŋmaaŋa ale legini po ale an ŋman gum wari du. Ate wa yaa ŋmarisi ŋa a dueni tintain paglaksa siye zuk a te mu.

²³ Ase nama ale ga wom lueluku legini po la, alege ate guuku zuk a dɛ ale bolim la, ni buuni po niŋdeerɔma meena a jam jam ka mi jigi.

²⁴ Ate ni yaa weeni ayen, <

²⁵ Alege yɔgyɔgla de, ka boa ale soa ate tama a kpi? Bolim kpiemu dɛ ale dɛ ti, ate ti kpi ase tama ale a wom Naawen dii ale ka ti Wen la lueluku ŋmana.

²⁶ Ka nuru wana ale diem wom Wen dii ale vua la lueluk ale ku a biisi bolim po ase tama la ale vua?

²⁷ Forisi moata ate fi wom dii meena ate Naawen dii ale ka ti Wen la a weeni la. Ate fi a yaa le weeni ti dii ate Naawen dii ale ka ti Wen la a weeni fu la. Tama ale wom abe ti va ŋa.>>

²⁸ Naawen a wom kama diipo ate nama a biisi ale mu la ate Naawen a yaa weeni mu ayen, <

²⁹ Mi dek a yaali kama ayen ba le chali mu yɔgsum ale ba suiniima meena abe ba ta m sinsaŋŋa diipo meena ate ku ale cheŋ nalimnyiini a te ba ale ba bisaŋa taam wuu!

³⁰ <

³¹ Alege fi bo dela ale mi ate mi ale te fu wieŋa ale sinsaŋŋa meena ate fi ale sak ba ate ba ale va ŋa tɛŋ kaai po ate mi ale te ba la.>>

³² Dila nyiŋla ni kpesi nidek ate ni nye dii ate Naawen dii ale ka ni Wen la a weeni ni la; ni kan viriŋ gala yaase juga.

³³ Cheŋ kauk kuui meena ate Naawen dii ale ka ni Wen la a weeni ni la, dii ale ku nye ate ni boro ale niaka ate nama a goa tɛŋ kaai ate nama ni tuesi la po a beni.