Teerika 34 - WEN GBAŊKA

¹ Ate Moosis a yaa jam nyini Moab tɛŋka a ga jueli Nebo guuku ale Pisga guuku ale bo Jeriko kori geŋsa la, dula jigini ate Naawen a pai tɛŋka meena a sak wa. Wa jam nya Gilead tɛŋka a ta ga paari tɛŋ kaai ate ba a wi ayen Dan la;

² Nafitali tɛŋka meena ale Ɛfraim ale Manasa ale Juda tɛŋka meena a ta ga paari nyakpiemu yeniŋ geŋsa,

³ Juda yeseok geŋka ale Zoar ale Jeriko tɛŋsaŋa tɛŋ kaai ate kpinkpatta a bo ka po la, wa jam nya si meena kama.

⁴ Ate Naawen a yaa weeni Moosis ayen, <

⁵ Moosis Naawen tomteerɔwa a yaa jam kpi Moab tɛŋka po ase Naawen ale weeni diila.

⁶ Ate wa yaa jam gu wa viak po Moab tɛŋka po ate ka le Bet Peor tɛŋka a kala a tuk chaab la. A zaani dai dila danni a ta jam paari jinla waai a karo a seba wa guka jigini.

⁷ Moosis a jam ta ka bena kook ale pisiye alege kpi la. Wa jam diem pagra kama ase wa le jam ka diila, wa ninaŋa mɛ a nya nalimnyiini.

⁸ Izirali demma a jam kum wa nyiŋ a paari ka daa pisita Moab tɛŋka po.

⁹ Josua Nun biika Naawen chiika a yaa jam sueri wa dii nyiŋla Moosis a jam lueri wa kama ayen wa zaani wa nankula po. Ate Izirali demma a yaa va Josua ale ta sinsaŋŋa ate Naawen a jam ta va Moosis zuk a te ba la.

¹⁰ Biisiteerɔ a jam ka Izirali tɛŋka po ase Moosis la, a jam paari jinla. Naawen a jam a nya wa kama ate ba a biisi ale chaab.

¹¹ Biisiteerɔ a jam karo a nye wakinkagla ale wakperikaliisa ase ŋaai ate Naawen a jam basi ate Moosis a nye Ejipiti Naawa ale wa niŋdeerɔma nyiŋ diila Ejipiti tɛŋka po.

¹² Biisiteerɔ waai an jam baga a nye wakpiema ŋaai ate Moosis a jam nye a te Izirali demma meena la a nya.