Teerika 31 - WEN GBAŊKA

¹ Ate Moosis a yaa nyini peelim a weeni wieŋa de meena a te Izirali demma ayen,

² <

³ Naawen dii ale ka ni Wen la dek ale dɛ niŋ a lo beni a jueli. Wa le kaasi tɛŋ sila a te ni ate nama ale tuesi ba tɛŋka, Josua mɛ ale dɛ niŋ a lo beni a jueli ase Naawen ale weeni diila.

⁴ Naawen ale nye ba dii dek dek ate wa jam nye Siyon ale Og la. Amori nalima a jam ni la ate wa jam kaasi ba ale ba tɛŋka.

⁵ Naawen ale pai ba a nyo ni nisima po ate nama ale nye ba dii meena ate mi a weeni ni la.

⁶ Ni pagra abe ni chiib a zaani. Ni kan chali yɔgsummoa yaase ni nyiŋsa a gɔgi ale Naawen dii ale ka ni Wen la a cheŋ ale ni kama, wa kan basi ni yaase wa zɛri ni mɛ.>>

⁷ Ate Moosis a yaa wi Josua a weeni wa Izirali demma meena niŋ ayen, <

⁸ Naawen dek a dɛ ka ni niŋ a cheŋ wa le bo ale ni, wa kan basi ni yaase wa zɛri ni. Kan chali yɔgsummoa; kan jɔgi nyiŋbiiri.>>

⁹ Moosis a yaa jam ŋmarisi sinsaŋŋa de a yaa pai ŋa a te kaabteerɔma Livai bisaŋa baai ale a ji Naawen nɔiyeŋka dakanni la ale Izirali nisɔmma meena.

¹⁰ Ate Moosis a yaa weeni ba ayen, <

¹¹ Ase Izirali demma meena a dan jam Naawen dii ale ka ni Wen la niŋ kauk kuui ate wa lueri ayen ni a puusi wa la, fi yaa kariŋ sinsaŋŋa de a te ba wom.

¹² Tigsi nuruma nidoaba ale nipooba ale bisa ale nichamma ale bo ni tɛŋsaŋa po la ate ba wom abe ba zamsi dii ale ku nye ate ba a chali Naawen dii ale ka ni Wen la abe ba kpesi a va sinsaŋŋa wieŋa meena.

¹³ Ba bisaŋa baai ale kan seba sinsaŋŋa de la a magsi ba wom abe ba zamsi di ate ba a chali Naawen dii ale ka ni Wen la diipo meena ate ni bo tɛŋ kaai po ate ni lo Jodan benni a jueli ka po la.>>

¹⁴ Naawen a weeni Moosis ayen, <> ate Moosis ale Josua a yaa ta badek a jam viuku po ba tuka jigini.

¹⁵ Ate Naawen a yaa jam viuku po ase chiŋmari la ate chiŋmanni a yaa za viuku nansuiŋku nɔi.

¹⁶ Ate Naawen a yaa weeni Moosis ayen, <

¹⁷ Dai dila danni m sui ale puuri ale ba ate m zɛri ba; m le viriŋ, m ninaŋa a basi nakpiak abe m kaasi ba. Kaasuŋ ale wa pagrisa ale piisi a jam ni jigi, ate dai dila danni ba le bek ayen, <

¹⁸ Ate m le viriŋ m ninaŋa a basi nakpiak dai dila danni gaasa wie ŋaai ate ba nye a ta va chaab ale bɔgluk yoŋta kaabka la nyiŋ.

¹⁹ <

²⁰ M le ta ba a cheŋ tɛŋ kaai ale jigsi ale poagi a magsi kpari la po, ase m le puulim ale ba kokpieŋsaŋa diila. Dula jigini ba le ta ŋandiin tii meena ate ba a yaali la abe ba boro nalimnyiini wari a kan daani ba. Alege ba le tulim a kaabi bɔgluk yoŋta. Ba le zɛri mu abe ba kaasi nɔiyeŋ kaai ate m nye ale ba la.

²¹ Ate kaasuŋ m na yegayega ale jam ba jigi. Alege ba dan lenni yiini dɛ di le teeri ba. Yɔgyɔgla de alege jigi ate mi a poom ta ba a cheŋ tɛŋ kaai po ate mi a puulim ayen m le te ba la, m seba dii ate ba a poli la kama.>>

²² Dai dila danni dek Moosis a ŋmarisi yiini kama ale sak Izirali demma di lennika.

²³ Ate Naawen a yaa biisi ale Josua Nun biika a weeni wa ayen, >

²⁴ Moosis a jam ŋmarisi Naawen sinsaŋŋa a nyo ka gbaŋ po ale kpesi wadek nalimnyiini an tali wari a basi ya.

²⁵ Moosis le jam nueri la, wa yaa a weeni Livaima baai ale jam a ji Naawen nɔiyeŋka dakanni la ayen,

²⁶ <

²⁷ Mi a seba tukpari dii ate ba ta la nɔi po kama. Ba jam zɛri Naawen kama diipo ate mi jam vua la, ba be za ba diem a zɛri wa kama mi kummu ŋaaŋnyiŋ.

²⁸ Tigsi ni dɔkku po niŋdeerɔma ale kpaŋŋa meena m niŋ ate m weeni ba wieŋa de; m le wi ka wenŋmazuk ale tɛŋ ate ba chim mi seerɔba mi ale nama suŋsuŋ.

²⁹ Mi a seba kama ayen mi kummu ŋaaŋnyiŋ nuruma ale ta ka gaasa abe ba zɛri dii ate mi a sak ba la. Ku be kan beni ba le nya kaasuŋ dii nyiŋla ba le nye ate Naawen sui a puuri, a ta va wie ŋaai ate wa kisa la.>>

³⁰ Moosis a yaa biisi yiini wie meena ate Izirali demma meena a ŋman wom,