Teerika 30 - WEN GBAŊKA

¹ <

² Ase nama ale ni ŋaaŋbisaŋa a dan ŋman a jam Naawen dii ale ka ni Wen la jigi ale a zuli wa ale ni suiniima meena ale ni chiisa meena ale va wa wieŋa ate mi a te ni jinla de la.

³ Naawen dii ale ka ni Wen la ale ta jiirim ale ni. Wa le ta ni a ŋman nyini tɛŋ sii po ate wa basi ate ni bo si po la a ŋman kuli abe wa basi ate maarika a ŋman jam ni jigi.

⁴ Ni dan poom a yalima diidii ya, Naawen dii ale ka ni Wen la ale tigsi ni a basi jigi yeŋ a ta ni ŋman jam.

⁵ Naawen dii ale ka ni Wen la, ale ŋman pilim a tuesi tɛŋ kaai ate ni koma a daam bo ka po la. Ate wa yaa le basi ate ni nya niaka abe ni piisi a gaam ni koma a daam ale ka diila.

⁶ Naawen dii ale ka ni Wen la, dek ale te ni ale ni ŋaaŋbisaŋa suiniima ŋaai ate ni a zuli, dii ale ku basi ate ni a yaali Naawen ale ni suiniima meena ale ni chiisa meena ate ni boro.

⁷ Naawen dii ale ka ni Wen la, ale tulim kikaasaŋa de meena a te ka ni dachaasaŋa baai ale kisi ni ale a namsi ni la.

⁸ Ate nama ale ŋman a zuli Naawen abe ni va wa sinsaŋŋa meena ate mi a te ni jinla de la.

⁹ Naawen dii ale ka ni Wen la ale niak ni wa dii meena ate ni a nye la po. Ni bisaŋa ale piisi abe wa niak ni duŋsaŋa mɛ. Ni tattaŋa ale nye ŋandiinta nalimnyiini. Naawen sui ale peenti ate wa basi ate ni jigsi ase wa le jam a basi ate ni koma a jigsi diila.

¹⁰ Alege ku a magsi ka ni a wom Naawen dii ale ka ni Wen la nɔi abe ni ta wa wieŋa ale wa ŋmarisika ale ŋmarisi a bo wa sinsaŋŋa gbaŋka de po la. Ku a magsi kama ayen ni ŋmani a va Naawen dii ale ka ni Wen la ale ni suiniima meena ale ni chiisa meena.

¹¹ <

¹² Ŋa an bo daa chiŋmaaŋa po ate ni bek ayen,

¹³ Yaa ŋa boka nyakpiemu kauk kunkula ate ti bek ayen ka wana ale wa lo beni a jueli a mooli a sak ti ate ti va ŋa?

¹⁴ Aaya, wanni a moata ni kama, a bo ni noa po ale ni suiniima po. Dila nyiŋla ku a magsi kama ayen ni va ŋa.

¹⁵ <

¹⁶ M weeni ni kama jinla de ayen ni a yaali Naawen dii ale ka ni Wen la abe ni a cheŋ wa suiku po abe ni ta wa wieŋa ale wa ŋmarisika ale wa buusaŋa ate ni boro abe ni piisi mɛ, ate Naawen dii ale ka ni Wen la ale niak ni tɛŋ kaai ate ni a jo ni tuesi la po.

¹⁷ <

¹⁸ Mi a weeni kama jinla de m le kaasi ni. Ni kan bo tɛŋ kaai ate ni lo le Jodan benni a jueli ayen ni tuesi la po a beni.

¹⁹ <

²⁰ Yaali Naawen dii ale ka ni Wen la, wom wa lueluku abe ni va wa nalimnyiini. Ale ka wa ale ni nyuvunni, wala ale wa te ni bena piisi tɛŋka ate Naawen puulim ayen wa le te ni koma, Abrayam ale Aizik ale Jekob la.>>