Teerika 3 - WEN GBAŊKA

¹ Ti ŋman a viriŋ a jueli va Basan suiku ate Basan naawa Og ale wa tugurik tommu meena a yaa nyini a tu chaab ale ti ayen ti nye kpaliŋ Edrei.

² Ate Naawen a weeni mi ayen, <>

³ Ate Naawen dii ale ka ti Wen la a pai Basan Naawa Og ale wa tugurik tɔŋdɔma meena a nyo ti nisima po. Ate ti ko ba meena nuru vuk mɛ la an tali ya.

⁴ Dila po wa, ti jam tuesi wa tɛŋsaŋa meena kama. Tɛŋsa pisiyuebi wa po kanyi mɛ la karo ate tama an tuesi ya a ta nyini ba jigi ya. Argob tɛŋka meena ale Og tɛŋ kpieŋka ale bo Basan la.

⁵ Tɛŋsaŋa de meena ba jam se si parisaŋa ate si pagra kama ale wɔŋa ale nye nansuiŋta ale da biga alege tɛŋsa gela a jam piisi kama ate parisa an gilim si.

⁶ Ti jam kaasi ba kama ase ti ale jam nye Yesbon Naawa Siyon diila ale kaasi tɛŋ meena nidoaba, nipooba ale bisa diila.

⁷ Alege ba duŋsa meena ale ba ŋanmaŋsaŋa ale bo ba tɛŋsaŋa po la tama a jam pai ba kama a tara.

⁸ A zaani dila po ti yaa tuesi Jodan kori geŋsaŋa ale Arnon Buboalika geŋsaŋa a ta ga paari Yermon Guuku nalima ŋaye wa dɛ jigi.

⁹ Saidon demma a jam a wi Yermon Guuku ayen ka Sirion alege ate Amori demma a wi ku ayen Senir.

¹⁰ Ti yaa jam tuesi tɛŋsaŋa meena a ta ga paari Gilead ale Basan a ta va dula ga paari Saleka ale Edrei tɛŋsaŋa ale tɛŋ kpieŋka Basan ate Og a bo du la.

¹¹ Ka Og Basan Naawa ale jam tali Arefa buuni po. Wa gaduokku a jam ka kutuk ale jam woŋŋa ase naŋtuok nɔi pi ale buta la alege ku labsimu mɛ a nye ase naŋtuok nɔi buyuebi la. Ku diem bo ka Arabba Ammon demma tɛŋka.

¹² Tɛŋka ate ti jam tuesi dila po la, m pai ka Aroer wiiluk geŋka kauk ale maŋ Arnon benni la, ale Gilead tɛŋka ale bo guutaŋa zuk la geli ale ka tɛŋsaŋa a te Aruben ale Gad ŋaaŋbisaŋa.

¹³ Gilead tɛŋka meena ale Basan, Og ale jam bo juijui la meena, mi a jam pai a te ka Manasa dɔkku geli. Ale Argob ate ka bo Basan po la ate ba jam a wi ka ayen Arefa demma tɛŋ la.

¹⁴ Jair Manasa ŋaaŋbiik ale la, wa ale jam soa Argob tɛŋka meena a ta ga va Gesur ale Maaka demma tɛŋsaŋa, Ba ale jam a wi wa diila tɛŋka mɛ yuei a jam ale la. Dila ale soa ate ba diem a wi ka ayen Yavvot Jair la.

¹⁵ Ate mi yaa pai Gilead a te Makir.

¹⁶ Alege Aruben ale Gad ŋaaŋbisaŋa m pai ka Gilead ale Arnon Benni geŋsaŋa ate ba gum chaab ale Jabbok Benaŋka geŋsa kauk kuui ale moata Ammon demma la.

¹⁷ Ka yeniŋ geŋsaŋa Jodan ale bo Araba la, a ta ga Kinneret ga va nyakpiemu ale bo Araba, Yesa Nyakpiem ale la, a churinti a siŋ Pisga.

¹⁸ M weeni ni kama dila po ayen, <

¹⁹ Alege, nipooma ale ni bisaŋa ale ni duŋsaŋa, m seba kama ni duŋsaŋa a piisi kama, ale wari ka tɛŋ sii ate m te ni la po,

²⁰ ate ku ga paari diipo ate Naawen ale te ni suataŋa vuusum ase wa ale te nama mɛ diila, ase Naawen dii ale ka ni Wen la ale weeni ayen wa ale te ba Jodan Benni kunkɔŋni din dila la. Ate kula ŋaaŋnyiŋ ni wanyi wanyi ale ŋman cheŋ kauk kuui ate m te ni la.>>

²¹ Dila po mi weeni Josua kama ayen, <

²² Kan chali ba yɔgsummoa. Naawen dii ale ka ni Wen la dek ale kpaliŋ a te fu.>>

²³ A zaani dila po m saalim Naawen kama ayen,

²⁴ <

²⁵ Basi ate m cheŋ a ga nya tɛŋ maŋka ale gaam Jodan a taam la, kaai ale bo guuta zuk la ale Lebanon tɛŋka.>>

²⁶ Alege nama nyiŋ Naawen sui a jam puuri ale mu kama ate wa an wom m puusaŋa. <> Naawen ale weeni diila ale nna, <

²⁷ Jueli Pisga guuku zuk a nya yeniŋ geŋ ale yeseoku geŋ ale wiiluk geŋ ale kori geŋsaŋa. Nya tɛŋka ale fidek nimbie dii nyiŋla fi a kan yaali fi gaam Jodan benni a taamu.

²⁸ Alege sak Josua abe fi maari a te wa nyiŋbiiri ate wa ale dɛ nuruma dɛ niŋ a ta ba gaam a taam a tuesi tɛŋ kaai ate fi a nya la.>>

²⁹ Ate tama a yaa jam bo viaka po a moata Bet Peor.