Teerika 29 - WEN GBAŊKA

¹ Wieŋa de ale nɔiyeŋka wieŋa ate Naawen a weeni Moosis ayen wa nye ale Izirali demma Moab tɛŋka la. Nɔiyeŋ kala a gum chaab ale ka kaai ate wa liŋ jam nye ale ba Yoreb guuku la.

² Moosis a yaa tigsi Izirali demma meena a yaa weeni ba ayen, <

³ Ni nya kama ale nidek nina nye nya kaai ale zuak ale wakperikaliisaŋa ale wakinkaglaŋa ate Naawen a nye la kama.

⁴ A ta jam paari jinla de Naawen an te ni popola ŋaai ale a miŋi wie yaase nina ŋaai ale nya wie yaase tue ŋaai ale wom la.

⁵ Bena pisinaansi wade meena ate mi a te ni va gɔnni po la, ni kɔlimaŋa yaase ni nuensaŋa an kaasi ya.

⁶ Nama an ŋɔbi boroborok yaase damasik yaase ni nyu da buui ale kumu la. Mi nye dila kama ayen ni seba ayen Mi ale Naawen dii ale ka ni Wen la.

⁷ <

⁸ Ti jam tuesi ba tɛŋka kama a poori ka a te Aruben ale Gad ale Manasa dɔkku geli.

⁹ <

¹⁰ Nama ale ni nisɔmma ale kpaŋŋa ale nuruma meena Izirali tɛŋka po a za ka Naawen dii ale ka ni Wen la niŋ jinla de,

¹¹ ale ni bisaŋa ale nipooma ale nichamma baai ale bo ni tɛŋka po a che daata ale ŋari nyiam a te ni la.

¹² Ni za dela kama ayen ni nye nɔiyeŋ ale Naawen dii ale ka ni Wen la, ku ka pumpuulima ŋaai ate Naawen dii ale ka ni Wen la a nye ale ni jinla de ale pɛka,

¹³ ate kula ale sak jinla de ayen ni ka wa nuruba la, ate wa mɛ ale chim ni Wen ase wa le puulim ale nuruma ale pɛ ale ni koma Abrayam ale Aizik ale Jekob diila.

¹⁴ Mi kan nye nɔiyeŋ pumpuulimaŋa ale pɛka ale ka nama nyiini,

¹⁵ ale za dela jinla de Naawen dii ale ka ti Wen la niŋŋa, alege ale baai ale kan bo dela jinla la.

¹⁶ <

¹⁷ Ni jam nya biem wieŋa ŋaai ate ba jam nye a ta va ba le sɛ daata ale tintana ale kpana ale ligmɔniŋ bɔgta a kaab la kama.

¹⁸ Ni be a seba a chak ayen nidoa yaase nipok yaase ni dɔkku po jinla de a nye wa suinum po ayen wa kan va Naawen dii ale ka ti Wen la abe wa cheŋ a ga a kaab tɛŋ yoŋta bɔgta; ni be kan te suik ate choŋ kula choa a jam ni po.

¹⁹ <

²⁰ Naawen a kan vɔŋ a te kula choa nyɔnɔwa. Naawen sui ale goanti a puuri kama ale wa ate wieŋa ale ŋmarisi gbaŋka de po la meena ale jam wa jigi a ta ga paari diipo ate Naawen a yaa wa kaasi wa la.

²¹ Naawen ale yeeri wadek wa nyiini a ta nyini Izirali buuni po a nyini a basi ate kaasuŋ a jam wa jigi a ta va nɔiyeŋka kika sii meena ale ŋmarisi bo sinsaŋŋa gbaŋka de po la.

²² <

²³ Ni tɛŋka a kan nala ate ni a kpa, ka le nye ase ka yesa ale bo ka po la. Ni kan bori Jaab ka po, wuuta a poom kan nyini du mɛ. Ni tɛŋka ale nye ase ka Sodom ale Gomora ale Adma ale Zeboiim tɛŋsaŋa ate Naawen a jam kaasi si meena diipo ate wa suinni a jam puuri ale ba la.

²⁴ Ate tɛŋka meena demma a yaa bek ayen,

²⁵ <

²⁶ Ba jam a kaabka bɔgluk yoŋta ale koori tɛŋ a zuli bɔgluk tii ate ba zɛ, bɔgluk tii ate wa an pai a te ba.

²⁷ Dila nyiŋ ate Naawen sui a yaa jam puuri ale ba ate wa yaa basi ate kika sii meena ale ŋmarisi gbaŋka de po la a jam ba jigi.

²⁸ Naawen suinni a ŋmasi jam a puuri kama, suipuurum bula nyiŋ wa yaa yeeri ba a ta nyini badek tɛŋka po ate a cheŋ tɛŋ yoŋ. Ba bo ka dula jinla de.>

²⁹ <>