Teerika 25 - WEN GBAŊKA

¹ Nuruba a dan ta chaab ku a magsi kama ayen ba ta biika a cheŋ buusa boka yenni ate baai ale a bo buusa la a nya biika zuk. Bala ale ba bo a te waai wari ale boro la abe ba bo a mini waai wari ale kan boro.

² Ase waai ate ba bo a mini la ku dan magsi kama ayen ba nak wa, boteerɔwa ale basi kama ate wa duak tɛŋ ate ba miiri wa wa nimbie po a magsi chaab ale wa kaasuŋku ale ka diila.

³ Alege ku kan magsi ba miiri wa a gaam pisinaansi. Ba dan miiri wa a gaam di la, ba le valiŋ wa.

⁴ Kan kpalimu naab dɛka ase ni nin yik bu a fɔbi za.

⁵ Ase nuru ale wa suok a dan boro ale chaab ate ba wanyi a kpi alege ka biiga. Pukɔgini an magsi wa basi wa chorɔwa dɔkku po a bɛ wa yali jigi yoŋŋoa. Wa chorɔwa suoku ale a magsi wa faari wa a nye dii ale magsi wa nyeka la.

⁶ Biik kaai ate nipowa a dɛ niŋ a biak la ba pai nidoawa waai ale kpi la yuenni a te wa ate nuruwa yuenni a kan bɛ Izirali tɛŋka po.

⁷ Alege nuruwa a dan zɛri an faari wa suoku powa, Nipowa a yaa le cheŋ ka tɛŋka niŋdeerɔma jigi a weeni ba ayen,

⁸ Tɛŋka niŋdeerɔma ale biisi ale wa. Alege wa dan diem a zɛri ayen,

⁹ Wa suoku pukɔgini a yaa le cheŋ wa jigi niŋdeerɔma nimbie po, a pai wa nuesaŋa dinyi a yaa chesi tintueta a nyo wa nimbidiaka nyiŋ abe wa weeni ayen,

¹⁰ Izirali demma ale seba nuruwa de ase ka waai nuensa ate ba yeeri la.

¹¹ Ase nidoaba baye a dan ta chaab ate nwala powa a dan maari wa a yik nwala kolaŋa,

¹² ni gebi wa nisaŋa ni kan sak jiirim ale wa.

¹³ Ni kan pai ŋanta baye ate ba dobrim chim tɔgatɔga, wanyi dobra, wanyi valima a nyo foruk yeoŋ po.

¹⁴ Ni kan pai ŋanmagsinta baye tɔgatɔga kunyi zuak, kunyi pɔsima a nyo yeri po.

¹⁵ Ni ta dobrim maŋsa ale ŋanmagsin maŋsa ate ni goa tɛŋ kaai ate Naawen dii ale ka ni Wen la ayen wa te ni la a beni.

¹⁶ Naawen dii ale ka ni Wen la a kisi nuru waai ale a nye wieŋa de la kama.

¹⁷ Ni teeri dii ate Amalek demma a nye ni la, diipo ate ni jam nyini Ejipiti tɛŋka po a nyini la.

¹⁸ Diipo ate ni jam jiak la ba jam tu ni ka suik a ko baai ale jam wobsa a wari bo ŋaaŋ la. Ba kan chali Naawen yaa.

¹⁹ Ase Naawen dii ale ka ni Wen la, a dan basi ate ni nya vuusum a ta nyini ni dachaasaŋa meena ale gilim ni la, tɛŋ kaai ate wa le te ni ate ni boro la, ni yeeri Amalek demma tɛŋka zuk. Ni kan baŋ.