Teerika 18 - WEN GBAŊKA

¹ Kaabteerɔma, baai ale ka Livaima la an magsi ayen ba ta ba dek tɛŋ Izirali tɛŋka po. Livai dɔkku meena an magsi ba poom ta jaaboa. Ku a magsi ba soa ka ŋan baai ate ba pai a nye juka kaabka a te Naawen la.

² Ba an magsi ba ta tɛŋ ba suataŋa jigi ya; Naawen ale ba ŋantaŋa ase wa ale puulim ba la.

³ Diipo meena ni dan nye kaabka ale naab yaase posuk ku a magsi kama ayen ni te kaabteerɔwa ka bɔŋŋa ale tapayaasaŋa ale puuka.

⁴ Ni te ba ni kpanni ŋan baai ale liŋ a bɛ la ni zaaŋa ale da paalimu ale kpaamu ale ni ale dɛ niŋ a che ni piisaŋa kob tii la,

⁵ ale ka Naawen dii ale ka ni Wen la ale lueri ba ale ba ŋaaŋbisaŋa a ta nyini ni dɔkku po ayen ba zaani a biisi a te Naawen yuenni nyiŋ diipo meena.

⁶ Ase Livai denɔ a dan basi wa le bo juijui la ale jam juijui ate Naawen ale lueri ayen ni a puusi wa la,

⁷ wa ale biisi kama wa Naawen dii ale ka wa Naawen la yuenni nyiŋ ase wa vaanchaab mbala Livaima ale a nye dii Naawen nyiŋla.

⁸ Wa ale kaabteerɔma a magsi ba dɛ a soa si ka chaab la a gum wa dɔkdemma ŋan baai ate wa pai da ligra la po.

⁹ Ase ni dan jo tɛŋ kaai ate Naawen dii ale ka ni Wen la a yaa wa te ni la, ni kan ni tomsi ba a nye kisita wie ŋaai ate Naawen a kisa alege ate tɛŋ sila a nye la.

¹⁰ Ni waai kan pai wa nidoabili yaase wa lie a ju bolim a nye kaabka. Waai kan chim baanɔ yaase wa a porisi, yaase wa a weeni wie kie la, yaase waai a tom sakpaŋni,

¹¹ yaase waai a paasi nuruba, yaase waai a porisi yaase waai a wi chichirisa yaase waai a biisi ale baai ale kpi la.

¹² Waai abe a nye wieŋa de la Naawen a kisa ŋa kama. Be ka kisita wieŋa de nyiŋ ate Naawen dii ale ka ni Wen la a yiak tɛŋsaŋa de meena a basi a te ni la.

¹³ Ni kan ta nye kaasuŋ Naawen dii ale ka ni Wen la niŋŋa.

¹⁴ Tɛŋ sii po ate ni za ni tuesi la nuruba ale a va sampoporinni ale sakpaŋni wie. Alege Naawen dii ale ka ni Wen la a kan yaali ni a nye di la.

¹⁵ Naawen dii ale ka ni Wen la ale te ni biisiteerɔ ase mi la a ta nyini nidek suataŋa po. Ku a fɛ kama ayen ni a wom wa.

¹⁶ Dii ate ni jam a bek Naawen dii ale ka ni Wen la diipo ate ni jam tigsi chaab Yoreb guuku zuk a weeni ayen, <

¹⁷ Ate Naawen a yaa weeni mi ayen, <

¹⁸ M le te ba ka biisiteerɔ a nyini badek suataŋa po ase fi la, m le pai m wieŋa a nyo wa nɔnni po ate wa ale weeni ba m sinsaŋŋa ate mi a te wa la.

¹⁹ Ase nuru waai a dan kan wom m wieŋa ate biisiteerɔwa a biisi m yuenni nyiŋla, m dek ale te wa waalika.

²⁰ Alege biisiteerɔ waai ale a pai mi yuenni nyiŋ a biisi dii ate mi an weeni wa ayen wa biisi la yaase biisiteerɔ waai ale a biisi bɔgluk yonta yuei nyiŋla, a za wa kpi kama.

²¹ Da dii dai ni ale bek nidek ayen, <

²² Ase biisiteerɔwa a dan biisi wari Naawen yuenni nyiŋ alege ate wanni an nye ya di ka wa dii ate Naawen an biisi ya. Nuru wala a biisi ka wadek wie. Ni kan chali wa yɔgsum.