Teerika 13 - WEN GBAŊKA

¹ Ase biisiteerɔ yaase waai ale a weeni gɔdaasima kiri la a dan jam ni po a weeni ni wakperikaliisa yaase wakinkagla,

² ate wakperikaliika yaase wakinkagli dii ate wa biisi di wie la a nye ate wa yaa weeni ayen, <> (Bɔgluk tii ate nama a poom zɛ ti wie la) <>

³ Ku kan magsi ayen ni wom wie ŋaai ate biisiteerɔwa yaase gɔdaasima nyɔnɔwa de a biisi la. Ka Naawen dii ale ka ni Wen la ale a nye ni a nya ase ni a yaali wa ale ni suiniima meena ale ni chiisa meena ya.

⁴ Ka Naawen dii ale ka ni Wen la ale la ni va wa abe ni a puusi wa abe ni ta wa sinsaŋŋa nalimnyiini, abe ni tom a te wa abe ni yik wa giŋgiŋ.

⁵ Biisiteerɔwa yaase gɔdaasima nyɔnɔwa de a magsi ba ko wa kama, dii nyiŋla wa zɛri Naawen dii ale ka ni Wen la wieŋa, waai ale ta ni a nyini Ejipiti, a da tuesi ni yɔntini tɛŋka po a basi la; wa a yaali wa tulim ka ni popolaŋa a ta nyini ka Naawen dii ale ka ni Wen la ale weeni ayen ni va diila. Ni yeeri biemu ni po a basi.

⁶ Ase fidek suok yaase fi biik yaase fi lie yaase fi pok waai ate fi a yaali nna yegayega la yaase fi dɔ waai ale moata fu la a dan suk paasi fu ayen, <> Bɔgluk tii ate nama ale ni koma a zɛ ti wari la,

⁷ Nuru baai ale moata ni la bɔgtaŋa, ba moata ni yoo ba bo niŋ yoo tɛŋka kauk kuui meena ate ba boro la.

⁸ Ni kan wom wa, ni kan nye ŋmanteka nye ka. Ni kan te wa bɛ, ni kan lik wa. Ni kan bola basi ate wa paasi ni.

⁹ Ku a magsi ayen ni ko wa kama. Nama ale magsi ni dɛ niŋ a yuk wa ale tana alege jigi ate nuru yonta a maa yuk wa ale tana a ko.

¹⁰ Ni yuk wa ale tana a ko dii nyiŋla wa a yaali wa tulim ka ni popolaŋa a ta nyini Naawen dii ale ka ni Wen la jigi waai ale ta ni a nyini Ejipiti yɔntini po a nyini la.

¹¹ Ate Izirali demma meena ale wom abe ba a chali yɔgsum.

¹² Ase ni dan wom ayen tɛŋ sii ate Naawen dii ale ka ni Wen la a pai a te ni ayen ni boro la,

¹³ ayen gaasa nyam ale bo ni po a yaa ba ta nuruma tɛŋka po a cheŋ bɛ. Ba le weeni ayen, <> (Bɔgluk tii ate nama a zɛ ti wie la),

¹⁴ ku a magsi kama ayen ni kpesi a gisi nya nalimnyiini. Ku be dan ka wensie ayen biemu de a bo ni suŋsuŋ,

¹⁵ ku a magsi kama ayen ni ko bala meena ale ba duŋsaŋa meena tɛŋka po.

¹⁶ Ni tigsi nuruma ale ta ŋan baai meena la a ta jam jigi yeŋ tɛŋka suŋsuŋ abe le ge a ju ase kaabka la a te Naawen dii ale ka ni Wen la. Ni kaasi ka ate ba kan ŋman sɛ ka diipo diipo.

¹⁷ Ni kan pai ŋan baai ate Naawen ayen ni kaasi ba la a tanla, dii ale ku basi ate wa a basi wa suipuurumu abe wa ta jiirim ale ni la. Wa ale ta jiirim ale ni abe wa basi ate ni piisi ase wa ale puulim ale ni kokpieŋsaŋa la,

¹⁸ dii nyiŋla nama va Naawen dii ale ka ni Wen la kama ale ta wa wieŋa ate mi a te ni jinla de la ale dii ale nala wa nimbie po la.