Teerika 1 - WEN GBAŊKA

¹ Wieŋa de ate Moosis a jam biisi a te Izirali demma meena ale jam bo gɔnni ale jam bo Jodan kori geŋsa la, ate di bo Araba ale moata Suf, Paran ale Tofel ale Laban suŋsuŋsaŋa po a moata Yazerot ale Dizahab la.

² Ku ale pai ka daa pi ale dinyi ase fi ale nyini Yoreb a va Seir guuku suiku a cheŋ Kades Barnea.

³ A nyini diipo ate Izirali demma a basi Ejipiti la, bena pisinaansi wa po, chiisa pi ale kanyi wa piilimka danni, Moosis a yaa weeni Izirali demma meena dii ate Naawen a weeni wa a ta va chaab ale ba la.

⁴ Wa le jam nak yik Amori demma naawa Siyon la ŋaaŋnyiŋ ate kude a nye. Siyon ale jam a nya Yesbon zuk. Edrei tɛŋka mɛ wa nak dɛ Basan naawa Og. Og a jam bo ka Astarot a nya si zuk.

⁵ Jodan benni kori geŋka a moata Moab tɛŋka, Moosis a yaa ŋman weeni sinsaŋŋa wie a gum du ayen,

⁶ Naawen dii ale ka ti Wen la weeni ti kama Yoreb ayen. <

⁷ Ni basi dula jigini abe le cheŋ Amori demma tɛŋka ale bo guutaŋa zuk la, ni cheŋ nuru baai meena ale bo Araba la, ate si bo guutaŋa zuima ate si bo yeniŋ geŋka la ale yeseok geŋsa ale vaasaŋa noa a ta ga paari Keenan ale Lebanon tɛŋsaŋa ale Yufiretis beli kpienni.

⁸ Nya, mi a te ni tɛŋka de kama. Cheŋ ka po a ga ta tɛŋka ate Naawen a pɛ ayen wa ale te ni kokpieŋsaŋa Abrayam ale Aizik ale Jekob ale ba ŋaaŋbisaŋa la.>>

⁹ Dila po wa m jam weeni ayen, <

¹⁰ Ni nya jinla danni Naawen dii ale ka ni Wen la a basi ate ni piisi kama a gum du ase chiŋmarisaŋa ale bo chiŋmaaŋa po la.

¹¹ Naawen dii ale ka ni kokpieŋsaŋa Wen la, a basi kama ate ni chim paari tusidi a gum du ale niak ni ase wa ale puulim diila.

¹² Alege mi ale nye ka sɛ tu ni wie ŋaai ale a daani ni ale wie ŋaai ale tua a te ni ale wie ŋaai ate ni ta chaab ŋa nyiŋla m dega?

¹³ Ni lueri nuru baai ale ta yam ale zula a ta nyini ni buuri meena po ate m le basi ate ba a nya ni zuk.>>

¹⁴ Ate ni tulisi mu ayen, <>

¹⁵ Dila nyiŋla ate mi yaa a pai ni buuraŋa po niŋdeerɔma, baai ale ta yam ale zula la, a yaa basi ate ba ta pagrim ni zuk ase baai ale a nya nuruba tusa ale kobsa ale pisinuba ale piisa ase kpaga la.

¹⁶ Ate m yaa weeni ni boteerɔma dila po ayen: Ba wom ba suataŋa kaasuŋku abe ba bo buusa nalimnyiini, ase wanni bo, ka badek kobirinni po yaase ka ba ale nichamma.

¹⁷ Kan lugi a bo mini waai ya; wom nyini bisa ale ŋankpagsa meena jigi. Kan chali nuru yɔgsum, ale buusa boka, ka Wen ale soa. Ta wa dii ale pagra a te fu la a jam, m le wom di.

¹⁸ A nyini dila po m jam weeni fu dii meena ale magsi ayen fi nye la kama.

¹⁹ Ase Naawen dii ale ka ti Wen la ale weeni ti la, ti yaa nyini Yoreb a yaa jam tuaga Amori tɛŋka ate ka bo guutaŋa zuk la a ga va gɔi kpienni ale bie la ate ni nya la a ga paari Kades Barnea.

²⁰ Ate mi yaa weeni ni, <

²¹ Nya Naawen dii ale ka ni Wen la a te ni tɛŋka kama. Cheŋ a ga tuesi ka ase Naawen dii ale ka ti kokpieŋsaŋa Wen la ale weeni diila. Ni kan chali yɔgsummoa. Ni be kan jɔk nyiŋbiiri.>>

²² Nama meena a jam mi jigi kama ayen, <>

²³ Popola ŋala a nala kama a te mu, ate mi a lueri ni po nuruba pi ale baye, nuru yeŋ a ta nyini ni kobisaŋa po.

²⁴ Ba yaa basi dula alege cheŋ tɛŋ kaai ale bo guutaŋa zuk la, a yaa jam Eskol Viaka a nya ka po.

²⁵ Ba yaa jam ta tɛŋka tiisaŋa yona gela a ŋman jam weeni ti ayen, <>

²⁶ Alege ni kan yaali ayen ni cheŋ; ni zɛri Naawen ni Wenni ale weeni ni diila kama.

²⁷ Ni bo ni viitaŋa po a ŋuuni kama ayen, <

²⁸ Ka bɛ ate tama ale cheŋ? Ti suataŋa a nye ate ka ti sue a kaasi. Ba weeni ayen, >>

²⁹ Ate mi a weeni ayen, <

³⁰ Naawen dii ale ka ni Wen la, ale bo ni niŋ la ale kpaliŋ a te ni ase wa ale jam nye dii a te ni Ejipiti ate waai meena a nya la, diipo ate ni jam bo gɔnni po la.

³¹ Dula ni jam nya Naawen dii ale ka ni Wen la ale ta ni dii ase ko ale ta wa bisa diila kama a ta jam paari dela.>>

³² Kude meena a te mi a nye la nama a diem ka siaka ale Naawen dii ale ka ni Wen la.

³³ Wa ale dɛ ni niŋ yokku ase bolim la, ale ŋman chim chiŋmari danni po, a sak ni ale magsi ni va suik kuui la.

³⁴ Ase Naawen ale wom dii ate ni weeni la, wa sui yaa jam puuri ate wa pɛ ayen,

³⁵ <

³⁶ ka Kaleb Jefunne biika nyiini. Wa ale nya ka ate mi ale pai tɛŋ kaai ate wa pai wa naŋ ka a tabi du la a te wa ale wa ŋaaŋbisaŋa, dii nyiŋla wa va Naawen kama ale wa suinum meena.>>

³⁷ Nama nyiŋ Naawen sui a puuri ale mi mɛ kama ale weeni ayen, <

³⁸ Alege fi maarɔwa, Nun nidoabinni Josua, ale jo ka po. Bi te wa nyiŋbiiri, dii nyiŋ, la wala ale wa dɛ ba niŋ ate ba jo tɛŋka po.

³⁹ Ale bi fiisaŋa baai ate fi a weeni ayen ba ale cheŋ yontidi po la, ni bi sii baai ale kan diem seba nalim ale biem la, bala ale jo tɛŋka po. Mi ale m te ba ate ba ale soa ka.

⁴⁰ Alege fi, cheŋ gɔnni po, va suik kuui ale a cheŋ Nyakpiem Mɔnuŋku la.>>

⁴¹ Ate ni yaa tulisi ayen, <> Dila nyiŋla waai meena pai wa kpaliŋ kɔlima a cheŋ tɛŋ kaai ale bo guutaŋa zuk la, a poli ayen guutaŋa zuk jueli kpaliŋka ka moali.

⁴² Alege Naawen a weeni mi, ayen, < >>

⁴³ Dila nyiŋ m weeni kama, alege nama, an wom ya. Ni zɛri Naawen ale weeni diila kama ale nye tukpari a cheŋ tɛŋ kaai ale bo guuku zuk la.

⁴⁴ Ate Amori demma baai ale bo guutaŋa zuima la a yaa jam a tu chaab ale ni; Ba jam a vi ni kama ase sewuruk la ale nak ni a ta nyini Seir a ta ga paari Yorma.

⁴⁵ Ate ni ŋman jam a kum a te Naawen, alege wa a wom ni kumsaŋa ale nye ase wa kan wom la.

⁴⁶ Ate ni yaa jam bo Kades paari da boari, ni kasim jam bo ka dula.