Piilimka 9 - WEN GBAŊKA

¹ Dila Wen yaa niak Nowa ale wa nidoabilisaŋa, ale weeni ayen, <

² Fi yɔgsum popola ale jam ka duŋsa ale wenzuk nuinsa zuk, ale ŋan baai meena ale vuuri a cheŋ la zuk, ale jumaŋa ale bo nyiam po la. M pai ba nyo fi nisa po.

³ Jaab meena ale boro a cheŋ la, m pai te fu ayen ba chim ŋandiinta. Ase m le pai jaab meena ale ta vaata a te fu la, m yaa pai jaab meena a te fu.

⁴ Alege m kan yaali ayen waai ŋɔbi jaab ate ziim wari wa po.

⁵ Waai abe dan ko fu ate ziim nyini m le bek bu wari. M le bek nyini duŋ meena jigi. Nuru meena mɛ m le bek nyini wa jigi wa nin ko wa choa.

⁶ Waai ale a ko nurubiik la, ba le ko wa mɛ, diila Naawen nye nurubiik ase ka wadek la.

⁷ Alege nama, ni be biak a piisi tɛŋka zuk.>>

⁸ Wen yaa weeni Nowa ale wa nidoabilisaŋa le bo ale wa la ayen,

⁹ <

¹⁰ ale javuk meena ale jam bo ale fu la, nuinsa, yeri duŋsa ale gɔi duŋsa, ŋan baai meena ale nyini ŋaaruŋku po a nyini ale fu la, javuk meena ale bo tɛŋzuk la.

¹¹ M nye nɔiyeŋ le fu. M kan ŋman kaasi nyuvuri ale nyiamoa. Nyiam kan ŋman kaasi tɛŋka diipo diipo.>>

¹² Wen yaa ŋman weeni, <

¹³ M pai ka nagoritom a basi chiŋmaaŋa po ate bu a sak nɔiyeŋ kaai ale bo mi ale tɛŋka suŋsuŋ la.

¹⁴ M dan basi ate chiŋmaaŋa lik ate nagoritommu a nyini chiŋmaaŋa po nyini,

¹⁵ M le teeri nɔiyeŋka ale bo mi ale fi ale ŋanvuta meena tɔgatɔga la suŋsuŋ. Nyiam kan ŋman lik tɛŋka a ko ŋanvuta meena.

¹⁶ Diipo meena nagoritommu dan nyini chiŋmaaŋa po nyini, m le nya bu a teeri nɔiyeŋ kaai ale kan ta nuerika a bo Wen ale ŋanvuta tɔgatɔga tɛŋka zuk la.>>

¹⁷ Dila Wen yaa weeni Nowa ayen, <>

¹⁸ Nowa nidoabilisaŋa ale jam nyini ŋaaruŋku po a nyini la ale, Sɛm ale Yɛm ale Jafet. Yɛm jam ka Keenan ko.

¹⁹ Nowa nidoabilisa batawa jam le la. Bala abe le biak ate nuruma waaŋ tɛŋka meena.

²⁰ Nowa waai le ka kpaarɔ la yaa vuk tiisa kaduk po.

²¹ Wa le gbesi yɔnaŋa a nye daam nyu la wa yaa buk doa chaboala wa viuku po.

²² Keenan kowa Yɛm yaa nya wa kowa chaboalaŋa a yaa weeni wa suataŋa bayewa ale bo peelim la.

²³ Alege Sɛm ale Jafet yaa pai garuk a vi ba ŋmankpala zuk a cheŋ tuntula a ga lik ba kowa chaboalaŋa. Ba jam tulim ba ninaŋa a basi ka nakpiak ayen ba kan nya ba kowa chaboalaŋa.

²⁴ Nowa daamu ale yiinti ate wa yiti a wom wa bibaaŋka ale nye wa diila,

²⁵ Wa yaa weeni ayen, <>

²⁶ Wa ŋman weeni ayen, <

²⁷ Wen abe lagri Jafet tɛŋ banni, Jafet za wa bo ka Sɛm viitaŋa po, abe Keenan chim wa yɔma.>>

²⁸ Nyiamu le kpeeri la ŋaaŋnyiŋ Nowa goa ka bena kobsita ale pisinu.

²⁹ Nowa benaŋa meena jam ka kobsaneok ale pisinu alege ate wa kpi.