Piilimka 8 - WEN GBAŊKA

¹ Alege Wen yaa teeri Nowa wari ale gɔi duŋsaŋa ale yeri duŋsaŋa ale bo ŋaaruŋku po ale wa la wari. Wa yaa basi ate viok yaa fuk ate nyiamu yaa siŋ.

² Yɔgyɔgla de Wen yaa lik wenzukku ate ŋmorukku basi nika. Tɛŋka mɛ nyiamu basi nyini ka.

³ Nyiamu a yaa siŋ nna maga maga. Da dii ale nye daa kook ale pisinuwa la, nyiamu yaa ŋman siŋ gum du.

⁴ Chiisa siyopɔiwa po da pi ale ŋayopɔiwa danni ŋaaruŋku yaa siŋ zaani Ararat guutaŋa zuk.

⁵ Nyiamu yaa kasim a siŋ a ta ga paari chiisa piwa po piilimka danni ate guutaŋa yaa a nya.

⁶ Daa pisinaansi ale taam la Nowa yaa lak ŋaaruŋku ate wa nye la tuokparuku

⁷ a yaa tom tagaaruk ate ku nyini a gilim de ale de ate nyiamu ga kpeeri tɛŋka zuk.

⁸ Ate wa ŋman tom nangbaŋ ayen ka nyini nya ase nyiamu a siŋ alege tɛŋka ya.

⁹ Alege nangbaŋka an nya jigi a kali ya dii nyiŋla nyiamu diem jam lik tɛŋka kama. Ka yaa ŋmani cheŋ Nowa jigi ŋaaruŋku po. Wa yaa laari wa nisaŋa a yik ti ka jo wadek jigi ŋaaruŋku po.

¹⁰ Wa yaa limisi paari daa ŋayopɔi a ŋman tom nangbaŋka ate ka nyini ŋaaruŋku po.

¹¹ Nangbaŋka ale pilim ŋman wa jigi junɔinni la, wa yaa nya ka ta tiib viok yɔgsuk ka nɔnni po. Ate Nowa yaa seba ayen nyiamu siŋ kama.

¹² Wa ŋman limisi paari daa ŋayopɔi a tom ka ate ka nyini, alege ka an ŋman ga wa jigi ya.

¹³ Ben dii ate Nowa nya bena kobsiyuebi ale dinyi la, chiik kaai ale a piilim beni la, piilimka danni nyiamu yaa kpeeri meena. Nowa yaa zagri jabuui ale lik ŋaaruŋku la a nya nyiamu ale kpeeri alege tɛŋka la.

¹⁴ Benni po chiik kaai ale a nye siye la, daa pisiye ale ŋayopɔiwa danni tɛŋka yaa ko cheksegi.

¹⁵ Wen yaa weeni Nowa ayen,

¹⁶ <

¹⁷ Ta javuk meena ale bo ŋaaruŋku po ale fu la nyini. Nuinsa, duŋsa, ale ŋan baai meena ale a cheŋ tɛŋzuk ate ba biak abe ba wɔgri a piisi a sueri tɛŋka meena.>>

¹⁸ Nowa ale wa powa, ale wa nidoabilisaŋa, ale wa nidoabilisaŋa pooma yaa nyini.

¹⁹ Duŋsaŋa meena ale ŋan baai meena ale a vuuri tɛŋ la, ale nuinsa, ŋan baai meena, ale a cheŋ tɛŋka zuk la, yaa nyini ŋaaruŋku po ba beŋ ba beŋ.

²⁰ Ate Nowa yaa sɛ kuŋkuŋ a pai duŋ sii ale magsi Naawen teka ale nuin sii ale magsi Naawen teka la a ko a ju te wa.

²¹ Naawen yaa wom nyummu le masa la a yaa weeni wa suinum po ayen, <

²² Ase tɛŋka ale kasim boro nna, borik daa ale cheka daa ŋoota ale wulum, yoei ale wenkarik yok ale kantueŋ a kan maa kpegli.>>