Piilimka 6 - WEN GBAŊKA

¹ Nuru bisaŋa a yaa le jam a piisi tɛŋka zuk alege a biak lieba la,

² Wen nidoabilisaŋa a yaa nya ba ale nala diila ba yaa lueri a faari baai ate ba a yaali la.

³ Naawen yaa weeni ayen mi Chiik kan bo ale nurubiik taam wuu, diila wa ka waai ale a kpi. Wa daaŋa tɛŋzuk de ka bena kook le pisiye.

⁴ Nefilim demma ale jam bo tɛŋka zuk da ŋala po. Ate ku ŋaaŋnyiŋ Wen nidoabilisaŋa yaa ga goa ale nuruba lieba ate ba biak bisa. Ba jam ka ganduata, baai ale ta yuei.

⁵ Naawen yaa nya ayen nurubiik biem yaa zuak ka nna yegayega. Wa popolaŋa ale wa suinummu biem kasim sueri ba ka daaŋa meena.

⁶ Ku kasim daani Naawen ate wa sui a dom wa le nye nurubiik a basi tɛŋka zuk la.

⁷ Dila Naawen yaa weeni ayen, wa le ko nurubiik meena ate wa nye la, nuruba ale duŋsa, ŋan baai ale a cheŋ ba lɔga zuk, ale wenzuk nuinsa, diila m sui kaasi ka yegayega m le nye ba la.

⁸ Alege Nowa nyeka jam nala Naawen nina po.

⁹ Nowa ale jam ka diila ale nna. Nowa jam ka nuru maŋ, da ŋala po nuru an baga a dak wa kaasuŋŋoa, wa jam a cheŋ ale Wen kama.

¹⁰ Nowa jam ta ka nidoabilisa bata. Ba yue jam ale Sɛm ale Yɛm ale Jafet.

¹¹ Nurubiik meena a yaa jam a tom ka biem, ate nyeka tuem zuak Wen nina po.

¹² Wen yaa nya tɛŋka kaasi nna yegayega diila nuruma nyeka an bola nala.

¹³ Wen yaa weeni Nowa ayen, <

¹⁴ Be nye ŋaaruŋ ale daata a magsi nidek. Abe fi nye diina ku po a pai kotaali a lik paaŋa ŋaaŋ ale popo meena.

¹⁵ Fi le fi nye ku diila ale nna. Ku woglimmu magsi anamagib kobsaneok, labsimu magsi anamagib kook ale pisinu, abe ku woŋŋa jueli ase anamagib pineok la.

¹⁶ Abe fi pili ku ate pilika jueli ase anamagib buye. Nye tuok a basi kaukku kunyi. Nye ate ŋaaruŋku ta tɛŋ ale suŋsuŋ ale ŋmazuk.

¹⁷ <

¹⁸ Alege mi ale fi ale nye nɔiyeŋ ate fi ale fi nidoabilisa ale fi powa ale fi nidoabilisaŋa pooma a jo ŋaaruŋku po.

¹⁹ <

²⁰ Nuinsa buuri siye siye, ale duŋsa buuri siye siye, ale ŋan baai ale duiri tɛŋ a cheŋ baye baye, ale jam fi jigi ate fi ta ba ate ba vua.

²¹ Pa ŋandiin tii buuri ale magsi dɛka a ta jo magsi fi ale ba.>>

²² Nowa yaa nye dii meena ti Wen weeni wa la.