Piilimka 50 - WEN GBAŊKA

¹ Josefi yaa lɔ wa kowa zuk ale kum wa nyiŋ ale gbaari wa.

² Josefi yaa weeni tiim nyama ayen ba pai tiim a nye wa kowa Izirali nyiŋka ate ka kan poagi. Dila tiim nyama a yaa pai tiim a nye wa nyiŋka,

³ ba jam pai ka da puma pisinaansi a gomsi wa nyiŋka ayen ka kan poagi. Ate Ejipiti demma a pai daa pisiyopɔi a kum wa.

⁴ Kumsaŋa daaŋa ale taam la, Josefi yaa weeni Faaro nisɔmma ayen, <

⁵ > Yɔgyɔgla de te mu suik ate m cheŋ a ga gu m kowa abe ŋman pilim jam.>> >

⁶ Faaro yaa weeni ayen, <>

⁷ Ate Josefi yaa jam cheŋ ayen wa gu wa kowa. Faaro kpaŋŋa ale wa nisɔmma ale Ejipiti kpaŋŋa meena

⁸ ale Josefi yenni dem ale wa suataŋa ale wa kowa yenni dem. Ka ba bisaŋa ale ba duŋsaŋa ale ba naapeerisaŋa nyiini ale jam tali a bo Gosen.

⁹ Wusuma ale ŋa torokoba ale wusum duerɔba ale jam cheŋ ale wa. Ba jam piisi ka nna yegayega.

¹⁰ Ase ba le ga paari juijui ate ba a fɔbi ba ŋankpaantaŋa Atad po, a moata Jodan la, ba yaa jam kum ate ku jueli nna tuatuaga. Dula jigini ate Josefi yaa jam pai daa ŋayopɔi a kum wa kowa.

¹¹ Ase Keenan dem baai ale bo dula jigini la, ale ga nya ayen ba bo Atad juijui ate ba a fɔb ŋanta a kum la, ba yaa weeni ayen, <> Dila ale soa ate ba a wi jigi dila ale moata Jodan la ayen, Abel Mizraim la.

¹² Ate Jekob bisaŋa a jam sum nye dii dek ate wa weeni ba la.

¹³ Ba jam ji wa kama a ta cheŋ Keenan tɛŋka a ga gu wa vɔrup po ale bo Makpela talimu po la, a moata Mamre, ate Abrayam jam da bu ale talimu a magsi nuruba guka a nyini Efron Yit denɔwa jigi la, wa jam maa da talimu a gum du kama.

¹⁴ Wa ale ga gu wa kowa a nueri la, Josefi yaa jam ŋman pilim cheŋ Ejipiti ale wa suataŋa ale baai meena ale jam va wa a cheŋ ayen wa gu wa kowa la.

¹⁵ Josefi suataŋa ale ga nya ayen ba kowa a kpi kama la, ba yaa weeni ayen, <>

¹⁶ Dila ba yaa tom a weeni Josefi ayen, <

¹⁷ Yɔgyɔgla de ti a saalim fu ayen fi vɔŋ fi kowa Wenni tomteerɔma wabaataŋa a te ba.>> Ase ba tontomiŋka ale ga paari Josefi la, Josefi yaa jam kum.

¹⁸ Wa suataŋa yaa jam lo wa niŋ a weeni ayen, <>

¹⁹ Alege Josefi a jam weeni ba kama ayen, <

²⁰ Nama poli ayen ni nye mi ka biem, alege Wen a basi ate ku chim nalim ayen dii meena ale nye la, ku jam vari nuruba nyuvoa a basi.

²¹ Dila, ni be kan yɔgsa. M ale pai jaab meena ate nama ale ni bisaŋa a yaali la a te ni.>> Ale biisi bi masik a te ba ale ŋman te ate ba miŋ ayen wa ale weeni diila, wa ale sum a nye a te ba.

²² Josefi a jam kali Ejipiti ale wa kowa dɔkdemma meena kama. Wa jam boro paari ka bena kook ale pi

²³ a nya Ɛfraim bisa gaŋsa buta. Wa jam maa nya Makir ale ka Manasa biik la bisa biam kama, ate ba pai ba a vi wa naŋsa zuk.

²⁴ Ate Josefi yaa weeni wa suataŋa ayen, <>

²⁵ Ate Josefi a jam basi ate Izirali nidoabinni a nye pɛka ayen, <>

²⁶ Josefi yaa jam ta ka bena kook ale pi ale kpi. Ate ba ale jam pai tiim a nye wa nyiŋka ayen ka kan poagi la, ba yaa jam pai wa a nyo dakari po Ejipiti tɛŋka po.