Piilimka 45 - WEN GBAŊKA

¹ Josefi an jam baga a yik wadek wa tuimtomdisaŋa meena niŋŋa a yaa kaari ayen, <> Waai a ŋman karo ale Josefi ate wa yaa basi ate wa suataŋa a miŋ wa.

² Wa jam kum ate ku jueli ka nna yegayega ate Ejipiti demma ale Faaro yenni meena jam a wom wa.

³ Josefi yaa weeni wa suataŋa ayen, <> Alege wa suataŋa an jam baga a tulisi wa, dii nyiŋla ba kpaziita ale jam a nak wa niŋ.

⁴ Josefi jam weeni wa suataŋa ayen, <> Ba le cheŋ paari wa la, wa weeni ba ayen, <

⁵ Yɔgyɔgla ni kan te ku a daani ni abe ni kan basi ate ni sue a puuri ale ni dega ni ale pai mi a da dela la, dii nyiŋla ka nyuvoa varibasika nyiŋ ate Wen a tom ayen m de ni niŋ.

⁶ Bena ŋaye ale nna kɔm ale bo tɛŋka po, bena ŋanu ale bo ŋaaŋ a cheen la kpari ale cheka a kan boro.

⁷ Alege Wen a dɛ niŋ a tom mu ayen m gomsi ate ni buuni a tali a bo tɛŋka zuk, abe m vari ni nyuvooŋa a basi.

⁸ Dila nyiŋla, daa nama ale tom mi dela ka Wen. Wa nye kama ate mi chim Faaro ko, a chim nyɔnɔ a te wa yenni meena abe mu a nya Ejipiti tɛŋka meena zuk.

⁹ Yɔgyɔgla de ni kpabi nwuli a cheŋ m kowa jigi a weeni wa ayen,

¹⁰ Ni ale kali ka Gosen po a moata mi, nama ale ni bisaŋa ale ni ŋaaŋ bisaŋa ale ni piisaŋa ale ni duŋsaŋa meena ate ni ta la.

¹¹ M le te ni ŋandiinta dula dii nyiŋla kɔm bena ŋanu ale diem bo ŋaaŋ a cheena, Dan kan daa di nama ale ni yenni demma ale baai meena ale bo ale ni la ale viiri.>

¹² Nama dek baga a nya kama, m suoku Benjamin mɛ ayen ku sum ka mi ale a biisi ale ni la.

¹³ Ni weeni m kowa zula ŋaai ate ba te mu Ejipiti tɛŋka po la ale dii meena ate ni nya la. Abe ni ta m kowa a jam dela nwuli.>>

¹⁴ Wa yaa gbaari wa suoku Benjamin ale a kum, ate Benjamin mɛ a gbaari wa ale a kum.

¹⁵ Wa jam gbaari wa suataŋa meena kama ale a kum. Ku ŋaaŋnyiŋ wa suataŋa yaa biisi ale wa.

¹⁶ Faaro ale jam wom ayen Josefi suataŋa a jam la, Faaro ale wa kpaŋŋa meena sue yaa jam peenti.

¹⁷ Faaro yaa weeni Josefi ayen, <

¹⁸ ga ta ni kowa ale ni dɔkdemma a jam mi jigi, m le pai Ejipiti tɛŋ maŋ a te ni, ate nama ale de tɛŋka masim.>

¹⁹ <

²⁰ Ni kan te ni niŋ a bo ni ŋantaŋa po, dii nyiŋla Ejipiti ŋanmaŋsaŋa meena ale chim ka nama ŋanta.>>>

²¹ Ate Izirali nidoabilisaŋa a sum a nye dila. Josefi a jam te ba torokoba kama ase Faaro ale weeni wa ayen wa nye diila, a ŋman te ba ŋanta a magsi ba suiku chelimu.

²² Wa jam te waai meena ka garuk paaluk alege wa jam te Benjamin ka kpana kobsita ale gatta joka a paari bunu.

²³ Wa ale jam te wa kowa ŋan baai la ale nna. Wa jam te ka bonsa pi ate si ji Ejipiti ŋan maŋsa ale bon saari pi ate si ji ŋanbie ale boroborok ale ŋanta gela a magsi suiku chelimu.

²⁴ Ate wa yaa basi wa suataŋa suik, ba ale a cheŋ la, wa yaa weeni ba ayen, <>

²⁵ Ate ba yaa cheŋ nyini Ejipiti po a ga paari ba kowa Jekob Keenan tɛŋka po.

²⁶ Ba jam weeni wa kama ayen, <> Jekob yaa jam cha vuusum. Wa jam ka siaka ale ba ale weeni wa diila.

²⁷ Alege ba ale jam a weeni dii meena ate Josefi a weeni ba la, ate wa ŋman nya torokoma ate Josefi a te ayen ba pai a pai wa a ta jam la, ba kowa vuusumu a yaa ŋman pilim a jam wa jigi.

²⁸ Ate Izirali yaa weeni ayen, <>