Piilimka 41 - WEN GBAŊKA

¹ Bena ŋaye ale taam la, Faaro yaa gɔdaasim. Wa jam za ka Nile benni nɔi,

² ate niiga ŋayopɔi yaa nyini benni po a nyaksi ale biigi, ate ŋa yaa bo wuuku po a dɛ.

³ Ŋala ŋaaŋnyiŋ niiga ŋayopɔi a buk a lɔrima a nyini Nile benni po a jueli za naa ŋaai ale za beni nɔi la gauŋ.

⁴ Ate naa ŋaai ale buk a lɔrima la, a nɛ niiga ŋayopɔi ŋaai ale a nyaksi ale biigi la. Ate Faaro yaa yiti wa gɔdaasimaŋa po.

⁵ Wa jam a lo ka goom po a gɔdaasim a nye buye. Wa gɔdaasimaŋa po wa yaa nya chɔlomben a pɛ chɔlombena ŋayopɔi ate ŋa nyiŋsa a pagra ale nala.

⁶ Ŋan maŋsaŋa ale nye nueri la, ŋan jetisa ŋayopɔi a pusi nyini a nye ase viok tuilik ale wobri ŋa la.

⁷ Chɔlomben ŋaai ale jeta la a yaa nɛ chɔlomben ŋaai ale a nyaksi ale biigi la, ate Faaro yaa yiti wa gɔdaasimaŋa po.

⁸ Ku saluiku wa popola yaa ta wa a daani, ate wa tom wi sampoporisaŋa ale yam nyama meena Ejipiti tɛŋka po. Faaro yaa weeni ba wa gɔdaasimaŋa alege waai a karo a weeni ŋa kiri a sak wa.

⁹ Ate daam teerɔ kpagni yaa weeni Faaro ayen, <

¹⁰ Faaro sui yaa jam puuri ale wa tomteerɔma, ate wa yaa jam yik mi a lik ale boroborok seerɔma kpagni limisidɔma kpagni yenni po.

¹¹ Ti meena a jam gɔdaasim kama yok yeŋ po, ate gɔdaasimaŋa meena a ta ŋa kiri.

¹² Ate Yiburu bi paalik a yaa jam bo dula ale ti, limisidɔma kpagni tomteerɔ. Ti weeni wa ti gɔdaasimaŋa ate wa weeni ŋa kiri a sak ti.

¹³ Ate wie a sum tulim nye a magsi chaab ale wa ale weeni ti diila. Mi ŋman pilim nya m kpaŋtaŋa kama, ate nuru nwala ba pai wa a yik tiib nyiŋ.>>

¹⁴ Ate Faaro yaa tom wi Josefi, ate ba ta wa nyini likka dɔkku po a nyini nwuli. Ba ale poni wa zukku ale tagri wa kɔlimaŋa la, wa yaa jam Faaro niŋ.

¹⁵ Faaro yaa weeni Josefi ayen, <>

¹⁶ Josefi yaa tulisi Faaro ayen, <>

¹⁷ Ate Faaro yaa weeni Josefi ayen, <

¹⁸ Ate niiga ŋayopɔi a nyini benni po a jueli a biigi ale a nyaksi a bo wuutaŋa po a dɛ.

¹⁹ Ŋala ŋaaŋnyiŋ, niiga gela ŋayopɔi ate ŋa jeta ale lɔrima ale buk. Mi an diem nya naa buloatila Ejipiti tɛŋka meena po.

²⁰ Naa ŋaai ale bugi a lɔrima la a yaa nɛ niiga ŋayopɔiwa ale biigi a nyini benni po a jueli la.

²¹ Alege ŋa le poom a nɛ ŋa a nueri la, waai an baga a weeni ayen ŋa nɛ jaaboa. Ŋa lɔrima ase ka ŋa le poom ka diila. Ate mi yaa yiti.

²² <

²³ Ŋala ŋaaŋnyiŋ chɔlombena ŋayopɔi yaa pusi ŋala nyiŋ a kɔ a jeta ate kori vioku a fuk ŋa a kaasi.

²⁴ Chɔlomben ŋaai ale jeta la a yaa nɛ chɔlombena ŋayopɔi ŋaai ale nala la. Mi weeni nya kude a sak sampoporisaŋa alege ba waai an baga a tɔk ku kiri a sak mu.>>

²⁵ Ate Josefi yaa weeni Faaro ayen, <

²⁶ Naa naliŋsa ŋayopɔiwa kiri ale bena ŋayopɔi, chɔlombena ŋayopɔiwa kiri ale bena ŋayopɔi. Gɔdaasimaŋa meena ka bunyi.

²⁷ Niiga ŋayopɔi ŋaai ale bugi a lɔrima la ale jam ŋaaŋ nyiŋla ka bena ŋayopɔi, ku ka dila mɛ ale chɔlombena ŋayopɔi ŋaai ate kori vioku a fuk ŋa a kaasi la. Ku a magsi ka chaab ale bena ŋayopɔi kɔm.

²⁸ <

²⁹ Bena ŋayopɔi ŋandiinta yegayega ale jam Ejipiti tɛŋka po,

³⁰ alege bena ŋayopɔi kɔm ale pai saŋ. Ate ba le baŋ ŋandiinta yegayega wari Ejipiti tɛŋka po, ate kɔm ale bo tɛŋka po.

³¹ Ate ba kan teeri ŋandiinta yegayega wari tɛŋka po, dii nyiŋla kɔmmu ale paasaŋ la ale pagra yegayega.

³² Kude a za ku sum a nye kama dii nyiŋla Wen a te fu wanni de ka gɔdaasima buye po.

³³ <

³⁴ Basi ate Faaro lueri kpaga tɛŋka po ate ba lab ŋandiinta yegayega ku naŋtuok nɔi bunu Ejipiti po a pai bunyi a dueni.

³⁵ Ba tuesi ŋandiintaŋa meena ben maŋsaŋa de po ale cheen la, naawa pagrim nyiŋ ba tigsi kpari ŋantaŋa a dueni tɛŋ kpieŋka po a nya ŋa zuk.

³⁶ Ŋandiintaŋa de ni tali ŋa a zaani tɛŋka po ate ni jam pai de bena ŋayopɔiwa po ate kɔm a cheen Ejipiti po la, ate kɔm kan kaasi tɛŋka.>>

³⁷ Popolaŋa a jam nala kama a te Faaro ale wa kpaŋŋa meena.

³⁸ Ate Faaro yaa bek ba ayen, <>

³⁹ Ate Faaro yaa weeni Josefi ayen, <

⁴⁰ Fi ale fi a nya m nayenni zuk, ate fi ale a weeni diila m nuruma meena a siak a te fu. Ka m naamu zukpaglika zuk nyiini ate m le gaam fu.

⁴¹ Dila Faaro yaa weeni Josefi ayen, <>

⁴² Faaro yaa yeeri wa nifelinni wa nandummu nyiŋ a su Josefi nandummu nyiŋ. Wa yaa pai koaliŋ naliŋsa a jo wa ale pai ligmɔniŋ chɔrinni a su wa ŋinni.

⁴³ Wa basi ate wa dɔ wusum ale toroko ase waai ale pai a saŋ wa ŋaaŋ la, ate nuruba a de wa niŋ a nuem ayen, <> Wa basi ate wa a nya Ejipiti tɛŋka meena zuk.

⁴⁴ Faaro yaa weeni Josefi ayen, <>

⁴⁵ Faaro yaa te Josefi yuei ayen Zafenat Panea a ŋman pai nipok a te wa, wa yuei ale Asenat. Wa jam ka Potifera On kaabteerɔwa lie. Josefi yaa jam nyiem Ejipiti tɛŋka meena po.

⁴⁶ Josefi a jam ta ka bena pisita ale piilim a tom a te Faaro Ejipiti naawa la. Ate Josefi a yaa basi Faaro ale cheŋ gilim Ejipiti tɛŋka.

⁴⁷ Bena ŋayopɔiwa po tɛŋka a jam sueri ale ŋandiinta nna yegayega.

⁴⁸ Josefi yaa jam tuesi ŋandiintaŋa yegayega meena ale jam nye bena ŋayopɔiwa Ejipiti tɛŋka po la a ta ga dueni tɛŋ kpieŋsaŋa po. Ate tɛŋ meena ate ba bori ŋanta la, wa pai ŋa a dueni ka ka dek po.

⁴⁹ Josefi yaa dueni kpari ŋanta nna yegayega ase beli tintain busuŋ la. Ŋa jam piisi ka nna yegayega ate wa ŋman zɛ ŋa nɔi ya.

⁵⁰ Alege ate kɔmmu benaŋa a jam la, Potifera ale ka On kaabteerɔ la, wa liewa Asenat a jam biak ka nidoabilisa baye a te Josefi.

⁵¹ Josefi yaa jam te bikpagni yue ayen Manasa ale weeni ayen, <>

⁵² Nidoabi dii ale pai a saŋ la wa te wa yue ayen Ɛfraim ale weeni ayen, <>

⁵³ Benna ŋayopɔiwa ate ŋandiinta yegayega a jam boro la yaa kpeglim,

⁵⁴ ate bena ŋayopɔiwa kɔmmu yaa piilim, ase Josefi ale weeni diila. Kɔm ale jam bo tɛŋ sinsila, alege Ejipiti tɛŋka po meena ŋandiinta jam boro kama.

⁵⁵ Ase Ejipiti demma meena ale jam miŋ ayen kɔm a boro la, nuruma yaa jam kaari te Faaro ayen ti a yaali ka ŋandiinta. Ate Faaro yaa weeni Ejipiti demma meena ayen, <>

⁵⁶ Ase kɔmmu ale tagli tɛŋka meena la, Josefi yaa lak ŋandiintaŋa yeeŋa a pai da te Ejipiti demma, dii nyiŋla kɔmmu a jam pagra kama Ejipiti tɛŋka meena po.

⁵⁷ Ate tɛŋsaŋa meena yaa jan jam Ejipiti ayen ba da ŋandiinta Josefi jigi, dii nyiŋla kɔmmu a jam pagra kama tɛŋzuk de meena.