Piilimka 40 - WEN GBAŊKA

¹ Ku ale beni maga la, waai ale a te Ejipiti naawa daam la ale baai ale te wa boroborok la kpagni a jam nye ate naawa sui a kaasi.

² Faaro sui a jam kaasi ale wa kpaŋŋa bayewa kama, daam teerɔ kpagni ale boroborok seerɔ kpagni,

³ ate wa yaa pai ba a nyo ligrɔma kpagni nisima po, juijui dek ate ba jam lik Josefi la.

⁴ Ligrɔma kpagni a jam pai ba a nyo ka Josefi nisa po ate wa a nya ba zuk. Ba ale jam bo likka dɔkku po ate ku beni magadek la,

⁵ bayema meena a jam gɔdaasim kama, Ejipiti naawa daam teerɔma kpagni ale boroborok seerɔma kpagni, baai ate ba jam lik ba la a jam gɔdaasim kama yok yeŋ, ate gɔdaasima meena a ta ŋa kiri.

⁶ Vari ale veenti ate Josefi a jam ba jigi la, wa yaa jam nya ale ba sue a kaasi.

⁷ Dila wa jam bek Faaro kpaŋŋa baai ale jam bo likka dɔkku wa kpagni yenni po ale wa la ayen, <>

⁸ Ba yaa tulisi ayen, <> Josefi yaa weeni ba ayen, <>

⁹ Ate daam teerɔ kpagni yaa weeni Josefi wa gɔdaasimaŋa. Wa weeni wa ayen, <

¹⁰ ate tiimu zuk naŋsa sita a boro. Naŋsaŋa ale pusi la si deri chim a yɔn yɔna a muni.

¹¹ Faaro beerika a jam bo ka m nisa po, mi yaa pai yɔnaŋa ŋmiak a nyo Faaro beerika po a te wa.>>

¹² Josefi yaa weeni wa ayen. <

¹³ Daa ŋata po Faaro ale zak fi zuk a zaani a ŋman pai fu a zaani fi naŋkulaŋa po, ate fi ale pai Faaro beerika a nyo wa nisa po ase fi ale jam a nye diila, ase diipo ate fi jam chim daam teerɔ la.

¹⁴ Alege ku dan cheŋ nalimnyiini ale fu, teeri ate fi sak nyemagsika ale mu. Weeni m wari a te Faaro ate wa yeeri mu a ta nyini likka dɔkku de po a nyini.

¹⁵ Diila ba fɛ mi kama a ta nyini Yiburu demma tɛŋka a nyini, ate dela mɛ mi an nye wari ya a magsi ba a nyo mu likka dɔk po.>>

¹⁶ Boroborok seerɔma kpagni ale jam nya ayen Josefi a tulisi magsi la, wa yaa weeni Josefi ayen, <

¹⁷ Ŋmani kpanjɔkku po ba jam sɛka ŋandiinta tɔgatɔga a nyo ku po a te Faaro, alege nuinsaŋa a jaa dɛ ti kama kpanjɔkku ate m ji la po.>>

¹⁸ Josefi yaa weeni ayen, <

¹⁹ Daa ŋata po, Faaro ale gebi fi zukku a pai fi nyiŋka a saŋ tiib nyiŋ. Ate nuinsaŋa ale dɛ ka.>>

²⁰ Yɔgyɔgla de daa ŋatawa a jam ka Faaro biam dai, ate wa yaa jam nye tigi a te wa kpaŋŋa meena. Wa jam zak daam teerɔ kpagni ale boroborok seerɔma kpagni zuima a zaani wa kpaŋŋa niŋ.

²¹ Wa ŋman jam pai daam teerɔ kpagni kpaŋtaŋa a te wa, ate wa ŋman pilim pai daam beerika a nyo Faaro nisima po,

²² alege wa jam pai boroborok seerɔ kpagni a yik ka tiib nyiŋ, ase Josefi ale weeni gɔdaasimaŋa kiri diila.

²³ Alege daam teerɔ kpagni an jam teeri Josefi wari ya, wa jam baŋ wa wari kama.